తెలంగాణ ఆర్టీసీ ఉద్యోగులకు శుభవార్త..సహజ మరణానికీ రూ. 10 లక్షల ఉచిత బీమా!

తెలంగాణ ఆర్టీసీ ఉద్యోగులకు యూనియన్ బ్యాంక్ ఆఫ్ ఇండియా (UBI) ఒక అద్భుతమైన శుభవార్త అందించింది. ఇప్పటివరకు తమ బ్యాంకులో శాలరీ అకౌంట్ ఉన్న సిబ్బందికి కేవలం ప్రమాదవశాత్తు మరణిస్తేనే బీమా వర్తించేది, కానీ ఇకపై సహజ మరణానికి కూడా రూ. 10 లక్షల బీమా సౌకర్యాన్ని కల్పిస్తూ బ్యాంక్ కీలక నిర్ణయం తీసుకుంది. సంస్థ వీసీ & ఎండీ వై. నాగిరెడ్డి ప్రత్యేక చొరవతో అమల్లోకి వచ్చిన ఈ నూతన నిబంధన వల్ల సుమారు 38 వేల మందికి పైగా ఉద్యోగుల కుటుంబాలకు సామాజిక భద్రత లభించనుంది.

ఈ బీమా సౌకర్యం 2026, ఏప్రిల్ 1వ తేదీ నుండి అమల్లోకి వచ్చింది. దీనికి సంబంధించి ఉద్యోగులు ఎలాంటి ప్రీమియం చెల్లించాల్సిన అవసరం లేదు, పూర్తిగా బ్యాంకే ఆ భారాన్ని భరిస్తుంది. గతంలో ఉన్న రూ. 1 కోటి ప్రమాద బీమా యథాతథంగా కొనసాగుతూనే, ఇప్పుడు అదనంగా ఈ రూ. 10 లక్షల సహజ మరణ బీమా తోడవ్వడం విశేషం. ఈ నిర్ణయం పట్ల ఆర్టీసీ కార్మికులు హర్షం వ్యక్తం చేస్తున్నారు.