తెలంగాణ నుంచి తిరుమల వెళ్లేవారికి టీఎస్ఆర్టీసీ శుభ‌వార్త‌

తెలంగాణ రాష్ట్రం నుంచి తిరుమ‌ల‌కు వెళ్లే శ్రీవారి భ‌క్తుల‌కు టీఎస్ఆర్టీసీ(తెలంగాణ రాష్ట్ర రోడ్డు ర‌వాణా సంస్థ‌) శుభ‌వార్త చెప్పింది. ఆర్టీసీ బ‌స్ టికెట్‌తో పాటే తిరుమ‌ల ద‌ర్శ‌న టోకెన్‌నూ ఇచ్చేలా ఏర్పాట్లు చేసింది. ఈ మేర‌కు టీటీడీ, టీఎస్ఆర్టీసీ మ‌ధ్య ఒప్పందం కుదిరింది. తెలంగాణ నుంచి రోజుకు వెయ్యి మందికి రూ.300 దర్శన టికెట్లు జారీ చేయనున్నట్లు ఆర్టీసీ ఛైర్మన్‌ బాజిరెడ్డి గోవర్ధన్‌, మేనేజింగ్‌ డైరెక్టర్‌ వీసీ సజ్జనార్ ఓ ప్ర‌క‌ట‌న‌లో తెలిపారు.

తిరుమల శ్రీవారి దర్శన టికెట్లు కావాలనుకున్న వారు ప్రయాణానికి రెండు రోజుల ముందు టీఎస్ ఆర్టీసీ బస్సుల్లో టికెట్ రిజర్వేషన్ చేయించుకోవాల్సి ఉంటుంది. తెలంగాణ ఆర్టీసీ చేసిన ఈ ప్రకటనపై భక్తులు హర్షం వ్యక్తం చేస్తున్నారు.ఇలాంటి ఆఫర్లు మరిన్ని ప్రకటిస్తే బాగుంటుందని కోరుతున్నారు.

ఆ సర్టిఫికెట్ తప్పనిసరి..

దర్శనానికి వెళ్లే ప్రయాణికులు 2 డోసుల కోవిడ్‌ టీకా వేయించుకున్న సర్టిఫికెట్‌ను గానీ లేదా దర్శ నానికి 72 గంటల్లోపు పొందిన క‌రోనా నెగెటివ్‌ సర్టిఫికెట్‌ను గానీ సమర్పించాల్సి ఉంటుంది.