ఫార్ములా ఈ కేసు.. కేటీఆర్‌కు మ‌రోమారు ఈడీ స‌మ‌న్లు

ఫార్ములా ఈ కేసులో జనవరి 16వ తేదీన విచార‌ణ‌కు హాజరు కావాలని బీఆర్‌ఎస్ వర్కింగ్ ప్రెసిడెంట్ కేటీఆర్‌కు ఎన్‌ఫోర్స్‌మెంట్ డైరెక్టరేట్ అధికారులు మరోసారి సమన్లు ​​పంపారు. కేటీఆర్ దాఖలు చేసిన క్వాష్ పిటిషన్‌ను తెలంగాణ హైకోర్టు కొట్టివేయడంతో పీఎంఎల్‌ఏ కింద ఏసీబీ, ఈడీ కేసుల‌లో విచార‌ణ ముందుకు సాగ‌నుంది. నిందితులు 2, 3 మంది ఐఏఎస్‌ అరవింద్‌ కుమార్‌, హెచ్‌ఎండీఏ మాజీ చీఫ్‌ ఇంజనీర్‌ బీఎల్‌ఎన్‌ రెడ్డిలను జనవరి 8, 9న విచార‌ణ‌కు హాజరుకావాలని ఈడీ సమన్లు ​​జారీ చేసింది. మరోవైపు రాష్ట్ర ప్రభుత్వం సుప్రీంకోర్టును ఆశ్రయించి కేవియట్‌ పిటిషన్‌ దాఖలు చేసింది.

ఫార్ములా ఈ రేస్ కేసులో కేటీఆర్‌పై 'ప్రభుత్వ నిధుల దుర్వినియోగం' ఆరోపణపై ఎన్‌ఫోర్స్‌మెంట్ డైరెక్టరేట్ ప్రివెన్షన్ ఆఫ్ మనీ లాండరింగ్ (పిఎంఎల్‌ఎ) చట్టం కింద కేసు నమోదు చేసింది. కేటీఆర్‌పై నమోదైన రెండో కేసు ఇది. 55 కోట్ల రూపాయల ప్రభుత్వ నిధులను క్యాబినెట్, రాష్ట్ర ఆర్థిక శాఖ ఆమోదం లేకుండా అంతర్జాతీయ ఏజెన్సీకి బదిలీ చేసినట్లు (ఐఎఎస్ అధికారి అరవింద్ కుమార్‌ను బదిలీ చేయమని కేటీఆర్‌ మౌఖికంగా ఆదేశించడం) ప్ర‌స్తుత ఎమ్మెల్యే కేటీఆర్‌పై ఆరోపణలు ఉన్నాయి.

ED అధికారులు PMLA చట్టం కింద ఎన్‌ఫోర్స్‌మెంట్ కేస్ ఇన్ఫర్మేషన్ రిపోర్ట్ (ECIR)ని నమోదు చేసారు. ED దర్యాప్తు ప్రధానంగా డబ్బు జాడ చుట్టూ తిరుగుతుంది. న్యూస్‌మీటర్‌తో ఒక మూలాధారం మాట్లాడుతూ.. "ఇది ప్రభుత్వ డబ్బు, డబ్బు జాడను పరిశీలించడానికి ED ప్రయ‌త్నాలుంటాయి. ఆ డ‌బ్బు ఎక్కడైనా పార్క్ చేయబడిందా లేదా ఒక వ్యక్తికి చేరిందా అనే కోణంలో విచార‌ణ సాగుతుంద‌ని తెలిపింది.