Video : ఒక జింకను చంపిన సల్మాన్ ఖాన్‌పై కేసు పెడితే.. మరి రేవంత్ రెడ్డిపై ఎన్ని పెట్టాలి.?
హైదరాబాద్ సెంట్రల్ యూనివర్సిటీలో 400 ఎకరాల విషయంలో జరుగుతున్న ఘటనలపై ప్రజలు ఆగ్రహం వ్యక్తం చేస్తున్నారు.
By Medi Samrat
హైదరాబాద్ సెంట్రల్ యూనివర్సిటీలో 400 ఎకరాల విషయంలో జరుగుతున్న ఘటనలపై ప్రజలు ఆగ్రహం వ్యక్తం చేస్తున్నారు. ఎంతో మంది రేవంత్ రెడ్డి ప్రభుత్వం తీరుపై విమర్శలు గుప్పిస్తున్నారు. బీఆర్ఎస్ నేతలు కూడా రేవంత్ రెడ్డిపై ఆగ్రహం వ్యక్తం చేశారు.
ఒక జింకను చంపిన నటుడు సల్మాన్ ఖాన్‌కు ఐదేళ్ల శిక్ష పడితే, వందల నెమళ్లు, జింకలను చంపిన ముఖ్యమంత్రి రేవంత్ రెడ్డికి ఎన్నేళ్లు శిక్ష పడాలని బీఆర్ఎస్ నేత దాసోజు శ్రవణ్ ప్రశ్నించారు. బీఆర్ఎస్వీ, హెచ్‌సీయూ విద్యార్థులతో కలిసి ఆయన కేంద్ర మంత్రి ధర్మేంద్ర ప్రధాన్‌ను కలిసి కంచ గచ్చిబౌలిలోని భూములను కాపాడాలని కోరారు.
రియల్ ఎస్టేట్ ప్రాజెక్టు కోసమే హైదరాబాద్ కేంద్ర విశ్వవిద్యాలయం (హెచ్‌సీయూ) భూములను ముఖ్యమంత్రి రేవంత్ రెడ్డి ధ్వంసం చేస్తున్నారని, ప్రజాస్వామ్యాన్ని ఖూనీ చేస్తూ, మానవత్వం లేకుండా మూర్ఖంగా వ్యవహరిస్తున్నారని ఆగ్రహం వ్యక్తం చేశారు. హైదరాబాద్ సెంట్రల్ యూనివర్సిటీలో 400 ఎకరాలను విధ్వంసం చేస్తున్నారని, రియల్ ఎస్టేట్ ప్రాజెక్టు కోసం యూనివర్సిటీని ధ్వంసం చేస్తున్నారన్నారు. భూములను కాపాడుతామని కేంద్ర మంత్రి హామీ ఇచ్చారని దాసోజు శ్రవణ్ తెలిపారు.
