తెలంగాణ లోక్‌సభ ఎన్నికలు : ఈ స్థానాల్లో పోరు హోరాహోరినే..!

సార్వత్రిక ఎన్నికల నాలుగో దశలో రేపు తెలంగాణలోని 17 పార్లమెంట్ స్థానాలకు ఓటింగ్ జరగనుంది.ఈ ఎన్నిక‌ల‌లో మూడు ప్రధాన పార్టీలు భారత జాతీయ కాంగ్రెస్, భారత రాష్ట్ర సమితి, భారతీయ జనతా పార్టీలు పోటీ చేస్తున్నాయి. తెలంగాణలోని 17 స్థానాలకు మొత్తం 525 మంది అభ్యర్థులు పోటీ చేస్తున్నట్టు భారత ఎన్నికల సంఘం (ఈసీఐ) వెల్లడించింది. వీరిలో 286 మంది స్వతంత్ర అభ్యర్థులు ఉన్నారు. పెద్దపల్లి, నిజామాబాద్, జహీరాబాద్, కరీంనగర్, మెదక్, చేవెళ్ల, భువ‌న‌గిరి, మహబూబ్‌నగర్, మల్కాజిగిరి, సికింద్రాబాద్, వరంగల్, ఖమ్మం నుంచి అత్యధికంగా స్వతంత్ర అభ్యర్థులు ఉన్నారు.

ఎన్నికల ప్రచారం

ఓటర్ల దృష్టిని ఆకర్షించేందుకు అన్ని ప‌క్షాలు శాయశక్తులా ప్రయత్నించడంతో ఎన్నికల ప్రచారం హోరాహోరీగా సాగింది. కాంగ్రెస్ పార్టీ ప్రతి పార్లమెంటరీ నియోజకవర్గంలో ‘గాడిద గుడ్డు’ పేరుతో ప్రచారం చేసింది. రాష్ట్రానికి ప్రధానమంత్రి నరేంద్రమోడీ అందించింది శూన్య‌మ‌ని ప్ర‌చారంలో గట్టిగా వినిపించింది. హామీల పేరుతో రాష్ట్రానికి కాంగ్రెస్ ‘బైగన్’ ఇచ్చిందని తెలంగాణ బీజేపీ విభాగం పేర్కొంది. నీరు, కరెంటు కోతలు, యువత ఉద్యోగాల గురించి మాట్లాడుతూ బీఆర్‌ఎస్ ప్ర‌చారంలో దూసుకుపోయింది. బీఆర్‌ఎస్ అధినేత కే చంద్రశేఖరరావు బస్సుయాత్రలో నీటి ఎద్దడి, రైతులకు పంటలకు రీయింబర్స్‌మెంట్‌పై ప్రజలతో మాట్లాడారు.

తెలంగాణలో చూడాల్సిన సీట్లు

హైదరాబాద్ : ఏఐఎంఐఎంకు చెందిన సిట్టింగ్‌ సభ్యుడు అసదుద్దీన్‌ ఒవైసీ ఇక్కడ ఐదోసారి ఎన్నికల్లో పోటీ చేస్తున్నారు. ఆయ‌న‌ 2004 నుండి హైదరాబాద్ నుంచి ఎంపీగా ఉన్నారు. ఒవైసీ, అతని బృందం అధిక ఆక్టేన్ ప్రచారానికి బదులుగా ప్రజలను చేరుకోవడంలో మునిగిపోయారు.

అతని ప్రధాన ప్రత్యర్థి బీజేపీకి చెందిన మాధవి లత, జాతీయ కార్య‌వ‌ర్గం గ్రౌండ్ వర్క్ కారణంగా నియోజకవర్గంపై గ‌ట్టి హైప్ తీసుకొచ్చింది. మాధవి లత ప్రచారంలో ఓల్డ్ సిటీ, పస్మాండ ముస్లింల అభివృద్ధి, ట్రిపుల్ తలాక్ గురించి కూడా మాట్లాడారు.

కాంగ్రెస్ అభ్యర్థి సమీర్ వల్లియులా ప్రచారం ఉద్యోగాలు, పాతబస్తీ అభివృద్ధి చుట్టూ తిరిగింది. పోలరైజేషన్‌కు బదులు అభివృద్ధి గురించి మాట్లాడే ప్రయత్నం చేసినా.. ఎంత మందిని ఆక‌ట్టుకుంద‌నేది తేలాల్సివుంది.

చేవెళ్ల : బీఆర్‌ఎస్‌ నుంచి కాంగ్రెస్‌లోకి మారిన సిట్టింగ్ ఎంపీ డాక్టర్‌ రంజీత్‌రెడ్డి గ‌తంలో ఆరోగ్యం, విద్యపై ఈ ప్రాంతంలో కృషి చేశారు. మొద‌టిసారి గెలిచాక చేసిన ఆ ప‌నులే ఆయ‌న‌కు క‌లిసొచ్చే అంశం.

ఆయన ప్రత్యర్థి బీజేపీకి చెందిన డాక్టర్ విశ్వేశ్వర్ రెడ్డి. విశ్వేశ్వర్ రెడ్డి 2019లో కాంగ్రెస్ టికెట్ నుంచి పోటీ చేశారు. 2014లో చేవెళ్ల నుంచి బీఆర్‌ఎస్‌ తరఫున ఆయన గెలిచారు. నియోజకవర్గంలో ఇద్దరు రెడ్డిల మధ్య పోటీ బాగానే ఉందని చెబుతున్నారు.

మహబూబ్‌నగర్‌: మహబూబ్‌నగర్‌ బీజేపీ అభ్యర్థిగా డీకే అరుణ ఆ ప్రాంతంలో సుపరిచితురాలు. వైఎస్‌ రాజశేఖరరెడ్డి, రోశయ్య ప్రభుత్వంలో కాంగ్రెస్‌ మంత్రిగా ఉన్న ఆమె మహబూబ్‌నగర్ నుంచి గ‌ట్టిపోటీ ఇస్తున్నారు.

ముఖ్యమంత్రి రేవంత్ రెడ్డి, ఆయన ప్రధాన బృందం ఎన్నికల ప్రక్రియను పరిశీలిస్తున్నందున కాంగ్రెస్ అభ్యర్థి చల్లా వంశీచంద్ రెడ్డి దూకుడుగా ప్ర‌చారాన్ని చేశారు. ఎమ్మెల్యేలు, ఇతర సీనియర్‌ సభ్యులు అక్క‌డే ఉండి ప‌రిస్థితుల‌ను పర్యవేక్షిస్తున్న నేప‌థ్యంలో మహబూబ్‌నగర్‌లో తీవ్ర పోటీ నెలకొని ఉంది.

బీఆర్‌ఎస్ ఇక్క‌డ సిట్టింగ్ ఎంపీ మన్నె శ్రీనివాస్‌ని బ‌రిలోకి దింపింది.

ఆదిలాబాద్: విశాలమైన అటవీ ప్రాంతంతో తెలంగాణ, మహారాష్ట్ర సరిహద్దులో ఉన్న ఆదిలాబాద్‌లో గిరిజనులు, షెడ్యూల్డ్ కులాలు, షెడ్యూల్డ్ తెగల జనాభా ఉంది. ఆదిలాబాద్ ఓటర్లు తీర్పు ఎప్పుడూ హాట్ టాఫిక్ గానే ఉంటుంది. దీంతో కాంగ్రెస్ అభ్యర్థి ఆత్రం సుగుణ, బీజేపీ అభ్యర్థి గోడం నగేష్ మధ్య హోరాహోరీ పోరు నెలకొంది. 2014లో ఆదిలాబాద్‌ నుంచి బీఆర్‌ఎస్‌ ఎంపీగా గోడం నగేశ్‌ గెలుపొందారు.

నిజామాబాద్: ఈ ప్రాంతంలో పసుపు రైతుల సమస్యలు, చక్కెర కర్మాగారాలు గత 10 సంవత్సరాలుగా ఎన్నిక‌ల‌లో గెలిచే ప్ర‌ధాన పాత్ర పోషిస్తున్నాయి.

కేంద్ర ప్రభుత్వం పసుపు బోర్డును ప్రకటించినప్పటికీ.. దాని ఏర్పాటు స్థలం, సమయం ఇంకా తెలియజేయ‌లేదు. బీజేపీ సిట్టింగ్ ఎంపీ, అభ్యర్థి అరవింద్ ధర్మపురి ఈ ప్రాంతంలో కాంగ్రెస్ సీనియర్ నాయకుడు, అభ్యర్థి జీవన్ రెడ్డిపై పోరాడుతున్నారు. ధర్మపురి అరవింద్ తన జిల్లాలో మోదీ ప్రభుత్వం సాధించిన విజయాలను ప్రజలకు తెలియజేస్తున్నారు.

కరీంనగర్: ఈ ప్రాంతంలో ప్రధానమంత్రి నరేంద్రమోదీకి ఉన్న ప్రజాదరణను చూరగొనాలని బీజేపీ సిట్టింగ్ ఎంపీ బండి సంజయ్ భావిస్తున్నారు. సిద్దిపేట జిల్లాకు ఆనుకుని ఉండ‌టం.. ఆ జిల్లాలో జరిగిన పనులు కరీంనగర్‌లో కనిపించక పోవడం ప్రజల ఆగ్రహానికి కారణం కావ‌చ్చ‌ని అంటున్నారు. ఆఖరి నిమిషంలో కాంగ్రెస్ అభ్యర్థి వెలిచాల రాజేందర్‌రావును ప్రకటించడంతో ప్రచారానికి పెద్దపీట వేయ‌లేక‌పోయామ‌ని కాంగ్రెస్ కార్యకర్తలు వాపోతున్నారు. బోయిన ప‌ల్లి వినోద్ రావు బీఆర్ఎస్ అభ్య‌ర్ధిగా బ‌రిలోకి దిగుతున్నారు.

సికింద్రాబాద్‌: రాజకీయ పండితుల అభిప్రాయం ప్రకారం ఇది హాట్‌ సీటు. ఈ సీటును గెలుచుకున్న పార్టీనే కేంద్రంలో కూడా ప్రభుత్వాన్ని ఏర్పాటు చేస్తుందని రాజకీయ విశ్లేషకులు చెబుతున్నారు.

బీజేపీ తరపున సికింద్రాబాద్ ఎంపీ అభ్యర్థిగా సిట్టింగ్ పార్లమెంట్ సభ్యుడు, కేంద్ర మంత్రి జి కిషన్ రెడ్డి మళ్లీ నామినేషన్ వేశారు. కిషన్ రెడ్డి నగరంలోని వివిధ రంగాలకు, ప్రజలకు చేరువయ్యేందుకు పెద్దఎత్తున ప్రచారం నిర్వహించారు.

కాంగ్రెస్ పార్టీ అభ్యర్థి దానం నాగేందర్ నామినేషన్ నుంచి బి ఫారం సమర్పించే వరకు వార్తల్లో నిలిచారు. నాగేందర్ బీఆర్ఎస్ పార్టీ నుంచి ఖైరతాబాద్ ఎమ్మెల్యేగా ఉన్నారు. అసెంబ్లీ ఎన్నికల అనంతరం బీఆర్‌ఎస్‌ నుంచి కాంగ్రెస్‌లోకి మారారు. ఆయన మారడం న్యాయ పోరాటానికి దారితీసింది. చివరి నిమిషం వరకు కాంగ్రెస్ పార్టీ అభ్యర్థిని మారుస్తుంద‌ని చాలా ఊహాగానాలు కూడా ఉన్నాయి. సికింద్రాబాద్‌లో బీజేపీ-కాంగ్రెస్ మధ్య హోరాహోరీ పోరు సాగుతోంది.

బీఆర్‌ఎస్ అభ్యర్థి టి పద్మారావు గౌడ్‌కు కూడా నియోజకవర్గంలో మంచి పేరుంది. మంచి గుర్తింపు ఉన్న వ్యక్తి అయినప్పటికీ ఓటర్లు ఆయనను ఎన్నుకుంటారా అనే ఊహాగానాలు చాలా ఉన్నాయి.

మల్కాజిగిరి: బీఆర్‌ఎస్‌ ప్రభుత్వంలో వైద్య ఆరోగ్య శాఖ మంత్రిగా పనిచేసిన ఈటల రాజేందర్‌ బీజేపీలోకి మారారు. ఈ ఎన్నిక‌ల‌లో మల్కాజిగిరి నుంచి యుద్ధం చేస్తున్నాడు

మల్కాజిగిరి సిట్టింగ్ ఎంపీ రేవంత్ రెడ్డి ఇప్పుడు తెలంగాణ రాష్ట్ర ముఖ్యమంత్రి. మల్కాజిగిరి సీటు ఆయనను ఢిల్లీకి తీసుకెళ్లిందని.. ముఖ్య‌మంత్రి పీఠానికి ద‌గ్గ‌ర చేసింద‌ని అంటున్నారు.

రాష్ట్ర, ఢిల్లీ స్థానిక రాజకీయాలలో రేవంత్ రెడ్డికి ఈ సీటు ప్రతిష్టాత్మకమైనది. ఈటెల రాజేందర్‌తో పోలిస్తే కాంగ్రెస్ పార్టీ అభ్యర్థి పట్నం సునీత ప్రచారం తక్కువగా ఉంది.

బీఆర్‌ఎస్ అభ్యర్థి రాగాడి లక్ష్మా రెడ్డి తాను స్థానికుడిని అని.. నియోజకవర్గంలో అందుబాటులో ఉంటాన‌ని.. త‌న అభ్య‌ర్ధిత్వాన్ని బ‌ల‌ప‌ర‌చాల‌ని ప్రజలను కోరారు.

తెలంగాణ లోక్‌సభ ఎన్నికలు : ఈ కీలక స్థానాల్లో హోరాహోరి పోరుకాంగ్రెస్‌ పార్టీ నుంచి సిట్టింగ్‌ ఎంపీ కోమటిరెడ్డి వెంకట్‌రెడ్డి ప్ర‌స్తుతం మంత్రిగా ఉన్నారు. గౌడ సామాజికవర్గం ఓట్లు ఎక్కువ శాతం ఉన్నారని.. బీజేపీ అభ్యర్థి బూర నర్సయ్యగౌడ్‌కు ఇది క‌లిసివ‌స్తుంద‌ని చెబుతున్నారు. నియోజకవర్గంలో కొత్త ముఖమైన చామల కిరణ్‌కుమార్‌రెడ్డిని కాంగ్రెస్‌ రంగంలోకి దింపింది. ఫైట్ క్లోజ్ గా ఉంటుందని అంటున్నారు.