కేసీఆర్ భూత వైద్యం వల్లే ఇన్ని సమస్యలు : భట్టి విక్రమార్క

Congress Leader Bhatti Vikramarka Slams CM KCR. టీఆర్ఎస్ పార్టీ, ముఖ్యమంత్రి కేసీఆర్, ఆయన మంత్రులు తెలంగాణను కాపాడేందుకు

By Medi Samrat  Published on  23 Jun 2021 10:21 AM GMT
కేసీఆర్ భూత వైద్యం వల్లే ఇన్ని సమస్యలు : భట్టి విక్రమార్క

టీఆర్ఎస్ పార్టీ, ముఖ్యమంత్రి కేసీఆర్, ఆయన మంత్రులు తెలంగాణను కాపాడేందుకు నీళ్ల యుద్ధం చేయబోతున్నట్లుగా కొత్త డ్రామాకు తెరలేపారని సీఎల్పీ నేత భట్టి విక్రమార్క అన్నారు. తెలంగాణకు చెందాల్సిన చుక్క నీటి బొట్టును కూడా వదులుకోము.. అవసరమైతే యుద్దం చేస్తాం.. అంటూ అడ్డగోలు మాటలు మాట్లాడుతున్నారని ఆయ‌న ఆరోపించారు. ఏపీ ప్రభుత్వం రాయలసీమ లిప్ట్ సంగమేశ్వరం పేరుమీద నీళ్లు తీసుకునిపోయేందుకు సంవత్సరం కిందటే జీఓ ఇచ్చింది. సంగమేశ్వరం నుంచి రోజుకు మూడు టీఎంసీలు, పోతిరెడ్డిపాడు హెడ్ రెగ్యులేటర్ సామర్థ్యం పెంచి రోజుకు 80 వేల క్యూసెక్కుల నీళ్లు తరలించేందుకు సిద్ధమైంది. మొత్తం మీద రోజుకు 11 టీఎంసీల నీటిని తీసుకునిపోతున్నారు. తెలంగాణ తెచ్చుకున్నదే నీళ్ల కోసం. మీరు నిద్రపోతున్నారు.. నిద్రలేవండి.. పోరాటం చేయండని.. మొత్తుకున్నా పట్టించుకోలేదని భట్టి విక్రమార్క అన్నారు.


దొంగలు పడ్డ అరునెలకు కుక్కలు మోరిగినట్లు.. టీఆరెస్ ప్రభుత్వం- నేతలు ఏడాదికి మేలుకున్నారని.. ఏపీ ప్రాజెక్టుల వల్ల తెలంగాణకు నష్టం వస్తుందని కాంగ్రెస్ పార్టీ సహా అన్ని పార్టీలు చెప్పాయి. నీటిమీద, నదులు మీద అవగాహన ఉన్న మేధావులంతా చెప్పారు. తెలంగాణ ముుఖ్యమంత్రి కేసీఆర్ పేరుకు మాత్రం తెలంగాణ ప్రయోజనాలు అంటారు.. కానీ ఆయనకు కుటుంబ ఆర్థిక ప్రయోజనాలు తప్ప.. రాష్ట్ర ప్రయోజనాలు ఏమి లేవని భట్టి విక్రమార్క ఆరోపించారు. ఉమ్మడి రాష్ట్రంలో కట్టిన ప్రాజెక్టులు ద్వారానే నీళ్లు ప్రజలకు అందుతున్నాయి.. కానీ కేసీఆర్‌తో చుక్క నీరు రాలేదని విమ‌ర్శించారు.

కేసీఆర్ తుపాకీ రామునిలా ఊర్లపొంట తిరుగుతూ ప్రగల్బాలు పలుకుతున్నారని.. రెండు పారాసెట్ మాల్ ట్యాబ్లెట్లు వేసుకుంటే కోవిడ్ తగ్గుతుంది అంటే.. సీఎం ట్రీట్మెంట్ తీసుకునే హాస్పిటల్ లో 28లక్షలు ఎలా వసూళ్లు చేస్తోందని ప్ర‌శ్నించారు. ముఖ్యమంత్రి కేసీఆర్ భూత వైద్యం వల్లే ఇన్ని సమస్యలని.. నిర్లక్ష్యపు మాటలే వల్లే అధికారులు నిద్రపోయారని విమ‌ర్శించారు. మరొసారి రాష్ట్ర ప్రజలను మోసం చేయడానికి కేసీఆర్ కుట్ర చేస్తున్నాడని.. ఎన్నికలు ఎప్పుడు వస్తే అప్పుడు హామీలు ఇస్తూ ప్రజల్ని మభ్యపెడుతున్నాడని భట్టి విక్రమార్క అన్నారు.




Next Story
Share it