రాత్రంతా జైలులోనే గడిపిన అల్లు అర్జున్

ఐకాన్ స్టార్ అల్లు అర్జున్ తన బ్లాక్ బస్టర్ చిత్రం పుష్ప 2: ది రూల్ ప్రీమియర్ షోలో తొక్కిసలాటకు సంబంధించిన కేసులో తెలంగాణ హైకోర్టు మధ్యంతర బెయిల్ మంజూరు చేసినప్పటికీ శుక్రవారం రాత్రి హైదరాబాద్ జైలులో గడిపాడు. జైలు అధికారులకు బెయిల్ ఆర్డర్ రావడంలో జాప్యం కారణంగా శుక్రవారం విడుదల కాలేదని అధికారులు తెలిపారు.

అల్లు అర్జున్ కోసం చంచల్‌గూడ జైలులో క్లాస్-1 బ్యారక్‌ను అధికారులు సిద్ధం చేశారు. అక్కడే అల్లు అర్జున్ రాత్రి బస చేశాడు. అల్లు అర్జున్ ను శనివారం విడుదల చేసే అవకాశం ఉందని తెలంగాణ పోలీస్ డిప్యూటీ కమిషనర్ ఎ.శ్రీనివాస్ తెలిపారు. రాత్రి సమయంలో ఎవరినైనా విడుదల చేయడం నిబంధనలకు విరుద్ధమని అధికారులు తెలిపారు.