తెలంగాణ క‌రోనా బులిటెన్‌.. కొత్త‌గా ఎన్ని కేసులంటే..

తెలంగాణ‌లో కరోనా కేసులు భారీగా త‌గ్గాయి. గ‌డిచిన 24 గంట‌ల్లో 91,621 శాంపిళ్ల‌ను పరీక్షించ‌గా 1,280 పాజిటివ్ కేసులు న‌మోదు అయ్యాయి. దీంతో రాష్ట్రంలో పాజిటివ్ కేసుల సంఖ్య 6,03,369కి చేరింది. నిన్న ఒక్క రోజే 15 మంది ప్రాణాలు కోల్పోయారు. దీంతో రాష్ట్రంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి.. ఇప్ప‌టి వ‌ర‌కు మ‌ర‌ణించిన వారి సంఖ్య 3,484కి పెరిగింది. నిన్న 2,261 మంది క‌రోనా నుంచి కోలుకోగా.. మొత్తంగా కోలుకున్న వారి సంఖ్య 5,78,748కి చేరింది. ప్ర‌స్తుతం రాష్ట్రంలో 21,137 యాక్టివ్ కేసులు ఉన్నాయి. కొత్త‌గా న‌మోదైన కేసుల్లో అత్య‌ధికంగా ఖ‌మ్మంలో 156 కేసులు, జీహెచ్ఎంసీ ప‌రిధిలో 165 కేసులు న‌మోదు అయ్యాయి.