యూఎస్ ఓపెన్ మ‌హిళ‌ల సింగిల్స్ విజేత‌గా ఇగా స్వైటెక్‌

World No 1 Iga Swiatek wins win US Open 2022.యూఎస్ ఓపెన్ మ‌హిళ‌ల సింగిల్స్ టైటిల్ విజేత‌గా ఇగా స్వియాటెక్ నిలిచింది.

By తోట‌ వంశీ కుమార్‌  Published on  11 Sep 2022 6:30 AM GMT
యూఎస్ ఓపెన్ మ‌హిళ‌ల సింగిల్స్ విజేత‌గా ఇగా స్వైటెక్‌

యూఎస్ ఓపెన్ మ‌హిళ‌ల సింగిల్స్ టైటిల్ విజేత‌గా ప్ర‌పంచ నంబ‌ర్ వ‌న్ పోలెండ్ క్రీడాకారిణి ఇగా స్వియాటెక్ నిలిచింది. భార‌త కాల‌మానం ప్ర‌కారం శ‌నివారం అర్థ‌రాత్రి జ‌రిగిన ఫైన‌ల్ మ్యాచ్‌లో ట్యునీసియాకు చెందిన జాబెర్‌పై గెలిచింది. 52 నిమిషాల పాటు సాగిన ఈ మ్యాచ్‌లో 6-2,7-6(7-5) తేడాతో విజ‌యం సాధించింది. ఈ గెలుపుతో మూడో గ్రాండ్ స్లామ్ టైటిల్‌ను త‌న ఖాతాలో వేసుకుంది పోలెండ్ భామ‌. ఇంత‌క‌ముందు 2020, 2022 ఫ్రెంచ్ ఓపెన్ టైటిళ్ల‌ను సాధించింది.

ప్రపంచ మహిళా టెన్నిస్ లో గత రెండుదశాబ్దాలుగా ఓ వెలుగు వెలిగిన సెరెనా విలియమ్స్ లాంటి దిగ్గజాలు ఓ వైపు నిష్క్ర‌మిస్తుంటుంటే.. మరోవైపు ఇగా స్వియాటెక్ లాంటి యువక్రీడాకారిణులు తెరమీదకు వస్తున్నారు. ఉక్రెయిన్‌కు మ‌ద్ద‌తుగా స్వైటెక్ త‌న టోపిపై ప్ర‌త్యేక‌మైన రిబ్బ‌న్ ను ధ‌రించి బ‌రిలోకి దిగింది. ఆమె గ‌త కొద్ది నెల‌లుగా అంత‌ర్జాతీయ మ్యాచుల్లో ఇలాగే ఆడుతోంది.

Next Story
Share it