ఐపీఎల్ ఫైన‌ల్ : వర్షం వ‌స్తే ప‌రిస్థితేంటి..?

ఇండియన్ ప్రీమియర్ లీగ్-2023 ఫైనల్ మ్యాచ్ గుజరాత్ టైటాన్స్, చెన్నై సూపర్ కింగ్స్ జ‌ట్ల మధ్య ఈరోజు సాయంత్రం 7:30 నుండి అహ్మదాబాద్‌లోని నరేంద్ర మోదీ స్టేడియంలో జరగనుంది. ప్రస్తుతం అహ్మదాబాద్ పరిసర ప్రాంతాల్లో వర్షాలు కురుస్తున్నాయి. రెండు రోజుల పాటు వర్షాలు కురుస్తాయని వాతావరణ శాఖ హెచ్చరికలు జారీ చేసింది. ఇలాంటి పరిస్థితుల్లో అహ్మదాబాద్‌లోనూ వర్షాలు కురిసే అవకాశం ఉంది. ఈ విష‌య‌మై ఐపీఎల్ ఛైర్మన్ అరుణ్ ధుమాల్‌ మాట్లాడుతూ.. ఫైనల్‌కు రిజర్వ్ డే లేదని.. అయితే వర్షం వచ్చినా మ్యాచ్ ప్రారంభించడానికి చివరి వరకు వేచి చూస్తామని చెప్పారు. అవసరమైతే సూపర్ ఓవర్‌లోనూ ఫలితం బయటకు వస్తుందని అన్నారు.

ప్రస్తుతం అహ్మదాబాద్‌లో ఆకాశం మేఘావృతమై ఉంది. వాతావరణ శాఖ అంచనాల ప్రకారం.. అహ్మదాబాద్‌లో ఈరోజు వర్షం కురిసే అవకాశం లేదు. చినుకులు పడే అవకాశం ఉండవచ్చు, కానీ చుట్టుపక్కల ప్రాంతాలలో కురుస్తున్న వర్షాలను పరిగణనలోకి తీసుకుంటే.. వర్షాన్ని కురుస్తుంద‌న్న వార్త‌ల‌ను తోసిపుచ్చలేము.