క్రికెట్‌కు రిటైర్మెంట్‌ ప్రకటించిన శిఖర్‌ ధవన్‌

భారత మాజీ క్రికెటర్ శిఖర్ ధావన్ శనివారం, ఆగస్టు 24న దేశవాళీ, అంతర్జాతీయ క్రికెట్‌కు రిటైర్మెంట్ ప్రకటించాడు. ధావన్ చివరిసారిగా డిసెంబర్ 2022లో బంగ్లాదేశ్‌తో జరిగిన ODI సిరీస్‌లో భారత్ తరపున ఆడాడు. అతను శుభ్‌మన్ గిల్‌ రాకతో తన స్థానాన్ని కోల్పోయాడు. 38 ఏళ్ల అతను తన సోషల్ మీడియా హ్యాండిల్స్‌లో తన అభిమానుల కోసం సుదీర్ఘ వీడియో సందేశాన్ని పంచుకున్నాడు. తన కెరీర్‌లో అభిమానుల ప్రేమ, మద్దతుకు ధన్యవాదాలు తెలిపాడు. ఇంటర్నేషనల్‌, డొమెస్టిక్‌ క్రికెట్‌లో తన ప్రయాణాన్ని ముగిస్తున్నట్టు ఓ వీడియో రిలీజ్‌ చేశారు.

దేశం తరఫున ఆడినందుకు గర్వంగా ఉందన్నారు. ఇంతకాలం తనపై చూపిన అభిమానానికి థాంక్స్‌ చెప్పారు. ధవన్‌ భారత్‌ తరఫున 34 టెస్టులు ఆడారు. 34 టెస్టు మ్యాచ్‌ల్లో ధావన్ 40.61 సగటుతో ఏడు సెంచరీలు, ఐదు అర్ధసెంచరీలతో 2315 పరుగులు చేశాడు. 167 వన్డేలు, 68 టీ20లు ఆడారు. ఈ మూడు ఫార్మాట్లలో కలిపి 10 వేలకుపైగా రన్స్‌ చేశారు. అందులో 24 సెంచరీలు ఉన్నాయి. ధవన్‌ను క్రికెట్‌ అభిమానులు ముద్దుగా గబ్బర్‌ అని పిలుచుకుంటారు. రిటైర్మెంట్‌ ప్రకటనతో ధవన్‌ ఆటను ఇకపై ఐపీఎల్‌లో మాత్రమే చూసే అవకాశం ఉంది.

ఐపీఎల్‌లో ఇప్పటి వరకూ 222 మ్యాచులు ఆడిన శిఖర్‌.. రెండు సెంచరీలు, 51 అర్ధ సెంచరీలతో 6769 రన్స్‌ చేశారు. ఈ ఫార్మాట్‌లో 768 బౌండరీలు, 152 సిక్సులు బాది 102 క్యాచ్‌లు పట్టుకున్నారు. ఐపీఎల్‌లో అత్యధిక పరుగులు చేసిన రెండో ప్లేయర్‌ ధవనే. ఢిల్లీలో జన్మించిన క్రికెటర్ విశాఖపట్నంలో జరిగిన ODI సందర్భంగా ఆస్ట్రేలియాపై అంతర్జాతీయ అరంగేట్రం చేసాడు. అయితే రెండు బంతుల డకౌట్‌కు అవుట్ కావడం అతని కెరీర్‌కు చిరస్మరణీయమైన ప్రారంభం కాదు. అయితే, ప్రారంభ వైఫల్యాల తర్వాత, ధావన్ 2013లో భారత జట్టులోకి తిరిగి వచ్చాడు. విశేషమైన ప్రదర్శనల ద్వారా మూడు ఫార్మాట్లలో తన స్థానాన్ని పొందాడు.