ఐర్లాండ్ టూర్‌కు వెళ్ల‌నున్న టీమిండియా.. పూర్తి షెడ్యూల్ ఇదే..!

భారత క్రికెట్ జట్టు ఈ ఏడాది జూన్‌లో ఐర్లాండ్‌లో పర్యటించనుంది. ఈ టూర్‌లో ఇరు జట్ల మధ్య 2 మ్యాచ్‌ల టీ20 ఇంటర్నేషనల్ సిరీస్ జరగనుంది. ఈ పర్యటన షెడ్యూల్‌ను బీసీసీఐ శనివారం విడుదల చేసింది. జూన్ 26 నుంచి టీ20 సిరీస్ ప్రారంభం కానుంది.

BCCI విడుదల చేసిన సమాచారం ప్రకారం.. భారత సీనియర్ పురుషుల జట్టు జూన్ 2026లో రెండు మ్యాచ్‌ల T20 ఇంటర్నేషనల్ సిరీస్ కోసం ఐర్లాండ్‌లో పర్యటించనుంది. భారత జట్టు గత ఎనిమిదేళ్లలో (2018, 2022, 2023) మూడుసార్లు ఐర్లాండ్‌లో పర్యటించగా.. 2007 తర్వాత భారత జట్టు తొలిసారి బెల్‌ఫాస్ట్‌లో ప‌ర్య‌టిస్తుంది.

టీ20 సిరీస్ షెడ్యూల్

1వ T20: 26 జూన్, బెల్ఫాస్ట్

రెండవ T20: జూన్ 28, బెల్ఫాస్ట్

భారత్, ఐర్లాండ్ మధ్య జరుగుతున్న టీ20 ఇంటర్నేషనల్‌లో హెడ్ టు హెడ్ గణాంకాలను పరిశీలిస్తే.. టీమ్ ఇండియా ఆధిపత్యం ఉంది. 2009-2024 మధ్య రెండు జట్ల మధ్య 8 T20 ఇంటర్నేషనల్ మ్యాచ్‌లు జరిగాయి. వీటిలో ఐర్లాండ్ జట్టు ఏ మ్యాచ్‌లోనూ గెలవలేకపోయింది. ఆడిన 8 మ్యాచ్‌ల్లోనూ టీమిండియా విజయం సాధించింది. అటువంటి పరిస్థితిలో ఇప్పుడు ఐర్లాండ్ వారి హోమ్ గ్రౌండ్‌లో మెన్ ఇన్ బ్లూని ఓడించడానికి మంచి అవకాశం ఉంది.

ఐర్లాండ్ తర్వాత భారత జట్టు ఇంగ్లాండ్ పర్యటనకు వెళ్లనుంది. అక్క‌డ‌ ఇరు జట్ల మధ్య 5 టీ20, 3 వన్డేల సిరీస్‌ జరగనుంది. జూలై 1 నుంచి ఇంగ్లండ్ టూర్ ప్రారంభంకానుండగా.. జులై 11న చివరి టీ20.. ఆ తర్వాత జూలై 14 నుంచి వన్డే సిరీస్ ప్రారంభం కానుంది. అలాగే చివరిదైన మూడో వన్డే జూలై 19న జరగనుంది.