దక్షిణాఫ్రికా క్రికెట్‌కు భారీ ఎదురుదెబ్బ.. క్లాసెన్ గుడ్ బై

దక్షిణాఫ్రికా వికెట్ కీపర్-బ్యాటర్ హెన్రిచ్ క్లాసెన్ అంతర్జాతీయ క్రికెట్‌కు రిటైర్మెంట్ ప్రకటించి క్రికెట్ ప్రపంచాన్ని ఆశ్చర్యపరిచాడు. 33 ఏళ్ల క్లాసెన్ జూన్ 2న సోషల్ మీడియా ద్వారా ఈ ప్రకటన చేశాడు. తన దేశానికి అత్యుత్తమ వైట్-బాల్ బ్యాటర్లలో ఒకరిగా నిలిచిన క్లాసెన్.. తన కుటుంబంతో సమయం గడపడానికి ప్రాధాన్యత ఇవ్వాలని భావిస్తున్నట్లు తెలిపాడు.

2025 ICC ఛాంపియన్స్ ట్రోఫీలో దక్షిణాఫ్రికాకు ప్రాతినిధ్యం వహించిన కొన్ని నెలల తర్వాత క్లాసెన్ ఈ నిర్ణయం తీసుకున్నాడు. ఛాంపియన్స్ ట్రోఫీలో ప్రోటీస్ న్యూజిలాండ్‌తో జరిగిన సెమీ-ఫైనల్లో ఓడిపోయింది. క్లాసెన్, వన్డేల్లో 2,141 పరుగులు, T20Iలలో 1,000 పరుగులు చేశాడు. క్లాసేన్ కేవలం 4 టెస్ట్ మ్యాచ్ లు మాత్రమే ఆడాడు. అందులో ఒక సెంచరీ ఉంది. క్లాసెన్ ఇప్పటికే 2024లోనే టెస్ట్ ఫార్మాట్‌కు వీడ్కోలు పలికాడు. కానీ వన్డే, టీ20ఐ సర్క్యూట్‌ల నుండి అతను అకస్మాత్తుగా నిష్క్రమించడం దక్షిణాఫ్రికా క్రికెట్ కు పెద్ద ఎదురుదెబ్బ.