కివీస్‌తో తొలి టెస్టు.. టాస్ గెలిచి బ్యాటింగ్ ఎంచుకున్న భార‌త్‌.. ప్ర‌స్తుతం 17/0

కాన్పూర్ వేదిక‌గా భార‌త్, న్యూజిలాండ్ జ‌ట్ల మ‌ధ్య తొలి టెస్టు ప్రారంభ‌మైంది. టాస్ గెలిచిన భార‌త కెప్టెన్ అజింక్య ర‌హానే బ్యాటింగ్ ఎంచుకున్నాడు. సీనియ‌ర్లు విరాట్ కోహ్లీ, రోహిత్ శ‌ర్మ‌ల‌కు విశ్రాంతి నివ్వ‌గా గాయంతో కేఎల్ రాహుల్ ఈ మ్యాచ్‌కు దూరం అయ్యారు. దీంతో ప‌లువ‌రు యువ ఆట‌గాళ్ల‌కు అవ‌కాశం ద‌క్కింది. మిడిల్ ఆర్డ‌ర్ బ్యాట్స్‌మెన్ శ్రేయాస్ అయ్యర్ ఈ మ్యాచ్ ద్వారా అరంగ్రేటం చేస్తున్నాడు. ఈ మ్యాచ్‌లో భార‌త్ ముగ్గురు స్పిన్న‌ర్లు, ఇద్ద‌రు ఫాస్ట్ బౌల‌ర్ల‌తో బ‌రిలోకి దిగింది. ఇక కివీస్ త‌రుపున రచిన్ రవీంద్ర టెస్టులో అరంగ్రేటం చేస్తున్నాడు. కాగా.. ప్ర‌పంచ టెస్టు ఛాంపియ‌న్ షిప్‌లో ఎదురైన ఓట‌మికి ప్ర‌తీకారం తీర్చుకోవాల‌ని భార‌త్ ప‌ట్టుద‌ల‌తో ఉంది.

మ‌యాంక్ అగ‌ర్వాల్ జ‌త‌గా శుభ్‌మ‌న్ గిల్ భార‌త ఇన్నింగ్స్‌ను ఆరంభించారు. ప్ర‌స్తుతం 6 ఓవ‌ర్లు ముగిసే స‌రికి భార‌త స్కోర్ 17/0. శుభ్‌మ‌న్ గిల్ 6, మ‌యాంక్ అగ‌ర్వాల్ 9 ప‌రుగుల‌తో క్రీజులో ఉన్నారు.

భారతజట్టు : శుభమన్ గిల్, మయాంక్ అగర్వాల్, చతేశ్వర్ పుజారా, అజింక్య రహానే (కెప్టెన్), శ్రేయాస్ అయ్యర్, వృద్ధిమాన్ సాహా (వికెట్ కీపర్), రవీంద్ర జడేజా, అక్ష‌ర్ పటేల్, రవిచంద్రన్ అశ్విన్, ఇషాంత్ శర్మ, ఉమేశ్ యాదవ్

కివీస్ జట్టు : టామ్ లాథమ్, విల్ యంగ్, కేన్ విలియమ్సన్ (కెప్టెన్), రాస్ టేలర్, హెన్రీ నికోలస్, టామ్ బ్లండెల్ (వికెట్ కీపర్), రచిన్ రవీంద్ర, టిమ్ సౌథీ, అజాజ్ పటేల్, కైల్ జెమీసన్, విలియమ్ సోమర్‌విల్లే