మరోసారి తండ్రయిన కోహ్లీ.. మగబిడ్డకు జన్మనచ్చిన అనుష్క శర్మ

టీమిండియా మాజీ కెప్టెన్‌, బ్యాటింగ్ స్టార్ విరాట్ కోహ్లీ మరోసారి తండ్రయ్యాడు. కోహ్లీ భార్య, హీరోయిన్ అనుష్క శర్మ పండంటి మగబిడ్డకు జన్మనిచ్చింది. ఈ మేరకు ఫిబ్రవరి 20, మంగళవారం నాడు కోహ్లీ, అనుష్క కలిసి ఓ ప్రకటనలో తెలిపారు. తమకు ఫిబ్రవరి 15న మగబిడ్డ జన్మించినట్టు వెల్లడించారు. తమ రెండు సోషల్ మీడియా ప్రొఫైల్‌లలో విడుదల చేసిన ప్రకటనలో.. కోహ్లి , అనుష్క ఫిబ్రవరి 15 న అబ్బాయి జన్మించినట్లు తెలిపారు.

'మా చిట్టితల్లి వామికకు తమ్ముడు పుట్టాడు' అంటూ సంతోషం వ్యక్తం చేశారు. తమ బిడ్డకు అకాయ్ అని నామకరణం చేసినట్టు కోహ్లీ, అనుష్క తమ ప్రకటనలో వివరించారు. ఈ శుభసమయంలో మీ ఆశీస్సులు కోరుకుంటున్నామని, అదే సమయంలో తమ వ్యక్తిగత జీవితాన్ని గౌరవించాలని కోరుకుంటున్నామని తెలిపారు. కోహ్లి మరియు అనుష్క శర్మ 2017లో పెళ్లి చేసుకున్నారు. ఈ స్టార్ కపుల్ 11 జనవరి 2024న వారి కుమార్తె వామిక మూడవ పుట్టినరోజును జరుపుకున్నారు.

అకాయ్ అనే పేరు యొక్క అర్థం ఏమిటి?

అకాయ్ అనే పేరు టర్కిష్ మూలం కలిగిన హిందీ పేరు. గూగుల్ సెర్చ్ ఇంజిన్ ప్రకారం, ఈ పేరు "పూర్ణ చంద్రుని కాంతిని ప్రకాశవంతం చేయడం" అని అర్థం. సంస్కృత భాష ప్రకారం, అకాయ్ అనే పేరు "అమరత్వం" లేదా "క్షీణించనిది" అని అర్ధం.