పాఠశాలల్లో విద్యార్థుల కోసం ఫిర్యాదు పెట్టెలు.. ప్రతి 15 రోజులకోకసారి తనిఖీ.. వేధింపులకు గురైనట్లు తెలిస్తే.!

Tamil Nadu govt schools to install complaint boxes. ప్రభుత్వ రంగంలోని అన్ని ఎలిమెంటరీ, హయ్యర్ సెకండరీ స్కూల్స్ క్యాంపస్‌లలో విద్యార్థుల కోసం ఫిర్యాదు పెట్టెలను ఏర్పాటు చేయాలని

By అంజి  Published on  12 Dec 2021 7:17 AM GMT
పాఠశాలల్లో విద్యార్థుల కోసం ఫిర్యాదు పెట్టెలు.. ప్రతి 15 రోజులకోకసారి తనిఖీ.. వేధింపులకు గురైనట్లు తెలిస్తే.!

ప్రభుత్వ రంగంలోని అన్ని ఎలిమెంటరీ, హయ్యర్ సెకండరీ స్కూల్స్ క్యాంపస్‌లలో విద్యార్థుల కోసం ఫిర్యాదు పెట్టెలను ఏర్పాటు చేయాలని తమిళనాడు విద్యా శాఖ ఆదేశించింది. రాష్ట్రంలోని 31,214 ప్రాథమిక పాఠశాలలు, 6,177 ప్రభుత్వ హయ్యర్ సెకండరీ పాఠశాలలు వారి సంబంధిత పాఠశాలల్లో ఫిర్యాదు పెట్టెలను ఏర్పాటు చేయనున్నాయి. ఫిర్యాదు పెట్టె పక్కన రాష్ట్ర విద్యాశాఖ హెల్ప్‌లైన్ నంబర్, విద్యార్థుల భద్రతకు సంబంధించిన అంశాలకు సంబంధించిన అవగాహన కోసం ఫ్లెక్స్ బోర్డు ప్రముఖంగా ప్రదర్శించబడతాయి.

ఫిర్యాదు పెట్టె, అవగాహన ఫ్లెక్స్ బోర్డు ఏర్పాటు చేయడానికి ప్రతి పాఠశాలకు మొత్తం లేదా రూ.1,000 మంజూరు చేయబడుతుంది. ప్రభుత్వ హయ్యర్ సెకండరీ పాఠశాలలకు ఫిర్యాదు పెట్టెలు, ఫ్లెక్స్ బోర్డులు ఏర్పాటు చేసేందుకు రూ.61 లక్షలు, ప్రాథమిక పాఠశాలలకు రూ.3.12 కోట్లు మంజూరు చేయనున్నట్లు రాష్ట్ర విద్యాశాఖ పేర్కొంది. రాష్ట్ర విద్యాశాఖ ప్రకారం ఈ ప్రాజెక్టుకు 'సమగ్ర శిక్షా అభియాన్' (SSA) నిధులు సమకూరుస్తుంది. ఈ ఫిర్యాదు బాక్సులను ప్రధానోపాధ్యాయుడి కార్యాలయం ముందు 'మనవర్ మనసు' అనే లేబుల్‌తో ప్రదర్శించాలని పాఠశాల ప్రధానోపాధ్యాయులకు సూచించారు.

ప్రతి 15 రోజులకు ఒకసారి స్టూడెంట్స్ సేఫ్గార్డింగ్ అడ్వైజరీ కమిటీ (SSAC) సభ్యులు ఈ పెట్టెలను తనిఖీ చేస్తారు. నిజమైన ఫిర్యాదులు ఉంటే వెంటనే చర్యలు తీసుకుంటారు. విద్యార్థి సంఘంలో అవగాహన కల్పించేందుకు విద్యాశాఖ కసరత్తు చేస్తోందని, పాఠశాలల్లో వేధింపులకు గురైతే ఫిర్యాదు చేయాలని విద్యార్థులను కోరింది. స్టూడెంట్స్ సేఫ్గార్డింగ్ అడ్వైజరీ కమిటీలు పిల్లల భద్రతకు సంబంధించిన వివిధ అంశాలపై అవగాహన, శిక్షణను కల్పిస్తాయి. టీచింగ్, నాన్ టీచింగ్ సిబ్బందికి పిల్లల మానసిక ఆరోగ్యం, వేధింపులపై అవగాహన కల్పిస్తారు.

Next Story
Share it