గ్లోబల్ బ్రాండ్స్‌లో శాంసంగ్‌ ఎలక్ట్రానిక్స్‌కు 5వ ర్యాంక్

గ్లోబల్ బ్రాండ్ కన్సల్టెన్సీ ఇంటర్‌బ్రాండ్ ప్రకటించిన ‘బెస్ట్ గ్లోబల్ బ్రాండ్స్’ జాబితాలో తమకు 5వ ర్యాంక్ లభించినట్లు శాంసంగ్ నేడు వెల్లడించింది. వరుసగా ఆరో ఏడాది కూడా ఇదే స్థానాన్ని నిలబెట్టుకోవడం గమనార్హం. ఈ సంవత్సరం జాబితాలో, శాంసంగ్ $90.5 బిలియన్ల బ్రాండ్ విలువను నమోదు చేసింది. 2020 నుండి ప్రపంచ టాప్-5లో స్థానం నిలబెట్టుకున్న ఏకైక ఆసియా కంపెనీగా శాంసంగ్ తన స్థానాన్ని పదిలం చేసుకుంది.

ఇంటర్‌బ్రాండ్ ప్రకారం, శాంసంగ్ ఎలక్ట్రానిక్స్ యొక్క సానుకూల మూల్యాంకనానికి ఈ క్రింది అంశాలు దోహదపడ్డాయి:

• కంపెనీ యొక్క అన్ని వ్యాపార విభాగాలలో AI పోటీతత్వాన్ని బలోపేతం చేసుకోవడం.

• ఉత్పత్తుల మధ్య ఏకీకరణ ద్వారా వినియోగదారుల అనుభవాన్ని మెరుగుపరచడం.

• AI-సంబంధిత సెమీకండక్టర్లపై ప్రత్యేకంగా పెట్టుబడులు పెట్టడం.

• వినియోగదారు-కేంద్రీకృత బ్రాండ్ వ్యూహాన్ని అమలు చేయడం.

"AI ఆవిష్కరణలు, ఓపెన్ సహకారం ద్వారా, శాంసంగ్ తమ రోజువారీ జీవితంలో AIని మరింత మంది వినియోగదారులు అనుభవించేలా కృషి చేసింది," అని శాంసంగ్ ఎలక్ట్రానిక్స్ ప్రెసిడెంట్ మరియు గ్లోబల్ మార్కెటింగ్ ఆఫీస్ హెడ్, వోన్-జిన్ లీఅన్నారు. “భవిష్యత్తులో, ఆరోగ్యం, భద్రతతో సహా వినియోగదారుల ప్రయోజనాలపై మా దృష్టిని కొనసాగిస్తాం, తద్వారా శాంసంగ్ మరింత ఆదరణ పొందిన బ్రాండ్‌గా ఎదుగుతుంది,” అని ఆయన అన్నారు.

"అందరి కోసం ఆవిష్కరణ" అనే దార్శనికతతో, శాంసంగ్ ప్రపంచవ్యాప్తంగా AIని మరింత మంది వినియోగదారులకు అందుబాటులోకి తీసుకురావడానికి నిరంతరం ప్రయత్నిస్తోంది.

ఈ సంవత్సరం, శాంసంగ్ గెలాక్సీ AIని నిరంతరం అభివృద్ధి చేస్తూ, మొబైల్ AIలో తన నాయకత్వాన్ని బలోపేతం చేసుకుంది. ఈ ఏడాదిలోనే 400 మిలియన్ల డివైజ్‌లలో గెలాక్సీ AIని అందుబాటులోకి తీసుకురావడం ద్వారా AI ప్రజాస్వామ్యీకరణను నడిపించాలని లక్ష్యంగా పెట్టుకుంది. కన్స్యూమర్ ఎలక్ట్రానిక్స్ (CE)లో, విజన్ AI, బెస్పోక్ AI వంటి ప్రతి ఉత్పత్తి వర్గానికి అనుగుణంగా AI టెక్నాలజీలను పరిచయం చేయడం ద్వారా శాంసంగ్ AI పోటీతత్వాన్ని విస్తరించింది.

వివిధ భాగస్వాములతో కలిసి పనిచేయడం ద్వారా, శాంసంగ్ వినియోగదారులకు మరింత వ్యక్తిగతమైన AI అనుభవాలను అందిస్తోంది. అదే సమయంలో, శాంసంగ్ నాక్స్ (Samsung Knox) ద్వారా పరిశ్రమలోనే అత్యుత్తమ భద్రతను కూడా కల్పిస్తోంది.

సెమీకండక్టర్ రంగంలో, క్లౌడ్, ఆన్-డివైస్, మరియు ఫిజికల్ AI విభాగాలలో విస్తృతమైన పోర్ట్‌ఫోలియోతో, పెరుగుతున్న AI డిమాండ్‌ను శాంసంగ్ అందుకుంటోంది. ఇందులో HBM, హై-కెపాసిటీ DDR5, LPDDR5X, GDDR7 వంటి అధునాతన ఉత్పత్తులను అందిస్తోంది.

AIకే పరిమితం కాకుండా, శాంసంగ్ తమ ఉత్పత్తులు, సేవలను మరింత అందుబాటులోకి తెస్తూ, అన్ని వ్యాపార విభాగాలలో సుస్థిర ఆవిష్కరణలను ప్రోత్సహిస్తోంది. స్మార్ట్‌థింగ్స్ (SmartThings) ద్వారా కనెక్ట్ చేయబడిన ఇంధన-సామర్థ్యం గల ఉపకరణాలతో విద్యుత్‌ను ఆదా చేయడం కూడా ఇందులో భాగమే.

వివిధ వ్యాపార విభాగాలలో శాంసంగ్ ప్రగతి ఇలా...

మొబైల్

• గెలాక్సీ AIతో మొబైల్ AI యుగానికి నాయకత్వం వహించడం మరియు AI వినియోగాన్ని ప్రోత్సహించడం.

• గెలాక్సీ Z ఫోల్డ్7, Z ఫ్లిప్7 విడుదలతో ఫోల్డబుల్ కేటగిరీలో నాయకత్వాన్ని బలోపేతం చేసుకోవడం.

• మెరుగైన ప్రైవసీ, భద్రతా టెక్నాలజీల ద్వారా వినియోగదారుల నమ్మకాన్ని పెంచడం.

• అధునాతన వేరబుల్స్, శాంసంగ్ హెల్త్ మెరుగుదలలు, మరియు ఓపెన్ సహకారం ద్వారా ఆరోగ్య సేవలను విస్తరించడం.

నెట్‌వర్క్స్

• AI-ఆధారిత వర్చువలైజ్డ్ రేడియో యాక్సెస్ నెట్‌వర్క్స్ (vRAN) మరియు ఓపెన్ RANలో నాయకత్వాన్ని బలోపేతం చేయడం.

• హై-క్వాలిటీ స్ట్రీమింగ్, గేమింగ్ వంటి వివిధ 5G వినియోగాలకు మద్దతు ఇచ్చేలా టెక్నాలజీలను నిరంతరం ఆవిష్కరించడం.

• 6G సాంకేతిక ప్రమాణీకరణలో ముందుండటం.

• వినియోగదారు సంస్థలతో భాగస్వామ్యాలను మెరుగుపరచడం మరియు శాంసంగ్ నెట్‌వర్క్ టెక్నాలజీ యొక్క సుస్థిరత అంశాలను తెలియజేయడం.

విజువల్ డిస్‌ప్లే

• టీవీలు, సౌండ్‌బార్లు, గేమింగ్ మానిటర్లలో ప్రపంచవ్యాప్త నాయకత్వాన్ని సుస్థిరం చేసుకోవడం.

• విజన్ AI ఆధారంగా గొప్ప AI ఫీచర్లతో వీక్షణ అనుభవాన్ని వినూత్నంగా మార్చడం.

• వ్యక్తిగత ఆర్ట్ టీవీ అనుభవాలను అందించడానికి ‘ది ఫ్రేమ్’ మరియు ఆర్ట్ స్టోర్ సేవలను మెరుగుపరచడం.

• టీవీ ప్లస్, ఎంటర్‌టైన్‌మెంట్, గేమింగ్, సంగీత రంగాలలో భాగస్వామ్యాల ద్వారా కంటెంట్ ఆఫర్‌లను విస్తరించడం.

డిజిటల్ అప్లయెన్సెస్

• నిరంతర ఉత్పత్తి ఆవిష్కరణలు, అధునాతన AI సామర్థ్యాల ద్వారా రిఫ్రిజిరేటర్లు, వాషింగ్ మెషీన్ల వంటి కేటగిరీలలో ప్రపంచ నాయకత్వాన్ని కొనసాగించడం.

• స్మార్ట్‌థింగ్స్ ఇంటిగ్రేషన్ ద్వారా విభిన్నమైన సౌలభ్యాన్ని, అధునాతన AI అనుభవాలను అందించడం.

• ఇంధన సామర్థ్యం, వినియోగం, పనితీరు, డిజైన్‌లలో బెస్పోక్ AI ఉపకరణాల నాయకత్వాన్ని విస్తరించడం.

సెమీకండక్టర్

• క్లౌడ్, ఆన్-డివైస్, మరియు ఫిజికల్ AI అప్లికేషన్లలో విభిన్న పోర్ట్‌ఫోలియోను నిర్వహించడం.

• DDR, SSD, LPDDR, UFS, మరియు ఆటో SSDతో సహా మొబైల్, ఆటోమోటివ్ సెమీకండక్టర్లలో నాయకత్వాన్ని కొనసాగించడం.

• CMM-D, HBM వంటి వినూత్న పరిష్కారాలలో అభివృద్ధి, పెట్టుబడులను కొనసాగించడం.

• ప్రభావవంతమైన టెక్ ఈవెంట్ల ద్వారా దార్శనికతను, పరిశ్రమ నాయకత్వాన్ని పంచుకోవడం.

ఇంటర్‌బ్రాండ్ యొక్క ‘బెస్ట్ గ్లోబల్ బ్రాండ్స్’ ర్యాంకింగ్, బ్రాండ్ విలువ మూల్యాంకనం ఆధారంగా ఇవ్వబడుతుంది. ఇందులో కంపెనీ ఆర్థిక పనితీరు, భవిష్యత్ అంచనాలు, వినియోగదారుల కొనుగోళ్లపై బ్రాండ్ ప్రభావం, మరియు బ్రాండ్ పోటీతత్వం (వ్యూహం, సానుభూతి, భిన్నత్వం, కస్టమర్ ఎంగేజ్‌మెంట్, స్థిరత్వం, నమ్మకం వంటివి) వంటి అంశాలను సమగ్రంగా విశ్లేషిస్తారు. ఇది ప్రపంచంలోనే అత్యంత విశ్వసనీయత కలిగిన, దీర్ఘకాలంగా కొనసాగుతున్న బ్రాండ్ విలువ మూల్యాంకనాలలో ఒకటిగా విస్తృతంగా గుర్తింపు పొందింది.