క‌రోనా వైరస్‌(కొవిడ్‌-19) ప్ర‌పంచాన్ని వ‌ణికిస్తోంది. ఈ మ‌హ‌మ్మారి క‌ట్ట‌డికి ఇప్ప‌టికే చాలా దేశాలు లాక్‌డౌన్ ను ప్ర‌క‌టించాయి. దీంతో ప్ర‌జ‌లు ఇళ్లకే ప‌రిమితం అయ్యారు. చాప కింద నీరులా ఈ వైర‌స్ రోజు రోజుకు విజృభిస్తోంది. ఇక పాకిస్థాన్‌లో కూడా క‌రోనా ప్ర‌ళ‌య‌తాండ‌వం చేస్తోంది. ప్ర‌స్తుతం ఉన్న ప‌రిస్థితుల్లో భార‌త సాయం చేయాల‌ని కోరాడు ఆదేశ మాజీ పేస్ బౌల‌ర్ షోయ‌బ్ అక్త‌ర్‌. పాకిస్థాన్‌లో వెంటిలేట‌ర్ల కొర‌త ఉంది. ఈ క్లిష్ట స‌మ‌యంలో వెంటీలేట‌ర్లు ఇచ్చి భార‌త్ త‌మ దేశాన్ని ఆదుకోవాల‌ని కోరాడు ఈ రావ‌ల్పిండి ఎక్స్‌ప్రెస్. భార‌త్ ఈ సాయాన్ని చేస్తే పాకిస్థాన్ ఎప్ప‌టికి గుర్తుపెట్టుకుంటుంద‌న్నాడు.

పాకిస్థాన్‌లో ప్ర‌స్తుతం 4 వేల‌కు పైగా క‌రోనా పాజిటివ్ కేసులు న‌మోద‌య్యాయి. ఆ దేశంలో వెంటిలేట‌ర్ల కొర‌త తీవ్రంగా ఉంది. షోయ‌బ్ దీనిపై ఓ మీడియా సంస్థ‌తో మాట్లాడాడు. భార‌త్ 10వేల వెంటిలేటర్లు ఇస్తే.. ఆ సాయాన్ని ఎన్న‌టికి గుర్తుంచుకుంటామ‌న్నాడు. అయితే.. తాము కేవ‌లం మ్యాచ్‌ల గురించి మాత్ర‌మే మాట్లాడే హ‌క్కు ఉంద‌ని, మిగ‌తాదంతా అధికారుల చేతుల్లో ఉంద‌న్నాడు. క‌రోనా క‌ట్ట‌డికి అక్త‌ర్‌ త‌న ఛారిటీ ద్వారా సాయం చేస్తున్నాడు.

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.