అత్యంత మెరుగైన ఐఫోన్ యాప్ ప్రారంభించిన ట్రూకాలర్

ప్రముఖ గ్లోబల్ కమ్యూనికేషన్స్ ప్లాట్ఫామ్ ట్రూకాలర్ నేడు ప్రపంచవ్యాప్తంగా ఉన్న వినియోగదారుల కోసం తమ ఐఫోన్ యాప్ సరికొత్త వెర్షన్‌ను విడుదల చేసింది. ఐఫోన్ వినియోగదారులకు సరైన కాలర్ ఐడీ, స్పామ్ బ్లాకర్లు అందుబాటులో లేవు. వినియోగదారులు తమకు సరైన పరిష్కారం కావాలని వేడుకుంటున్నారు, ఈ నేపథ్యంలోనే ట్రూకాలర్ సరైన బ్లాకర్‌ను నిర్మించింది. iOS యాప్ తేలికగా (చిన్న యాప్ పరిమాణం), మరింత సమర్థవంతంగా (పాత ఐఫోన్ 6Sలో కూడా వేగంగా పనిచేస్తుంది) ఉండటానికి పూర్తిగా పునర్నిర్మించబడింది, కానీ అన్నింటికంటే ముఖ్యమైనది, ఇది యాప్ మునుపటి వెర్షన్లతో పోలిస్తే 10 రెట్లు మెరుగ్గా స్పామ్, స్కామ్, వ్యాపార కాల్‌లను గుర్తిస్తుంది.

iOSలోని అధునాతన బ్యాక్‌గ్రౌండ్ ఫీచర్లను మరింత సమర్థవంతంగా సద్వినియోగం చేసుకోగల సరికొత్త ఆర్కిటెక్చర్ ద్వారా ఈ మార్పు తీసుకురాబడింది. ఈ ట్రూకాలర్ యాప్ బ్యాక్ గ్రౌండ్‌లో స్పామ్ సమాచారాన్ని స్వయంచాలకంగా అప్ డేట్ చేస్తుంది. తద్వారా ప్రతి ప్రాంతంలోనూ అత్యంత ప్రస్తుత, కచ్చితమైన, పూర్తి మొదటి రింగ్ కాలర్ ఐడీ, స్పామ్ గుర్తింపును అందిస్తుంది. యాప్ డిజైన్, యూజర్ ఎక్స్పీరియన్స్ ఫ్లో కూడా పూర్తిగా నవీకరించబడింది, ఫలితంగా ప్రారంభ ఆన్‌బోర్డింగ్, రోజువారీ నావిగేషన్‌కు చాలా తక్కువ సమయం పడుతుంది.

"మేము ఆపిల్ ప్లాట్ఫామ్‌కు లోబడి ఆవిష్కరణలు చేస్తున్నాము, కాల్ అలర్ట్స్, కాల్ రీజన్, సౌకర్యవంతమైన సెర్చ్ ఎక్స్టెన్షన్ వంటి వినియోగదారులకు మరింత శక్తివంతమైన ఫీచర్లను తీసుకువస్తున్నాం" అని ట్రూకాలర్ సహ వ్యవస్థాపకుడు, సిఈఓ అలాన్ మామెడి చెప్పారు. "ఈ అప్ డేట్ కోసం చాలా మంది ఐఫోన్ వినియోగదారులు చాలా కాలంగా ఎదురుచూస్తున్నారు, ఇప్పుడు మేము వారికి వచ్చే కాల్స్‌లో అవాంఛితమైనవాటిని వేరు చేయడంలో సహాయపడటానికి స్పామ్, స్కామ్‌లను ఉత్తమంగా గుర్తించే యాప్‌ను వారికి అందిస్తున్నాం " అని అన్నారు.

ఐఫోన్ కొత్త ట్రూకాలర్ హైలైట్‌లు :

● 10 రెట్లు మెరుగైన కాలర్ ఐడి గుర్తింపు, స్పామ్, స్కామ్ నుంచి 10 రెట్లు మెరుగైన సంరక్షణ

● కొత్త యూజర్‌ల కోసం మృదువైన, వేగవంతమైన ఆన్ బోర్డింగ్

● మీరు సంఖ్యల కోసం వెతికినపుడు మెరుగైన వివరాల వీక్షణ

● సులభమైన ఫీచర్ పోలికలతో కొత్త ప్రీమియం పర్చేజ్ ఫ్లో

● రీడిజైన్ చేయబడ్డ సెర్చ్ ఎక్స్టెన్షన్ (ఫోన్ > రీసెంట్స్ > షేర్ కాంటాక్ట్)

త్వరలో రాబోయే అప్‌డేట్స్ :

● తెలియని కాలర్లను మరింత వేగంగా శోధించడానికి రీడిజైన్ చేసిన నంబర్ లుక్-అప్ విడ్జెట్ సహా ఎస్ఎంఎస్ ఫిల్టరింగ్, స్పామ్ గుర్తింపు, కమ్యూనిటీ ఆధారిత సేవలలో ప్రధాన మెరుగుదలలు

● ఐఫోన్ యాప్ ప్రధాన స్పామర్ల ఆటోమేటిక్ బ్లాకింగ్, స్పామ్‌గా గుర్తించబడిన నంబర్లపై వివరణాత్మక గణాంకాలను వీక్షించే సామర్థ్యం, అదనపు సందర్భం కోసం స్పామ్‌గా గుర్తించబడిన నంబర్లపై వ్యాఖ్యలను వీక్షించే, కంట్రిబ్యూట్ సామర్థ్యాన్ని కూడా కలిగి ఉంటుంది.