ఒప్పో నయా స్మార్ట్ వాచ్.. అదిరిపోయే ఫీచర్లు ఇవే..

Oppo Launches New Smartwatch Check Price Specifications and more. OPPO సంస్థ భారతీయ వినియోగదారుల కోసం టచ్ స్క్రీన్, ఆరోగ్యం, ఫిట్‌నెస్ ట్రాకింగ్

By Medi Samrat  Published on  7 Feb 2022 9:21 AM GMT
ఒప్పో నయా స్మార్ట్ వాచ్.. అదిరిపోయే ఫీచర్లు ఇవే..

OPPO సంస్థ భారతీయ వినియోగదారుల కోసం టచ్ స్క్రీన్, ఆరోగ్యం, ఫిట్‌నెస్ ట్రాకింగ్ సెన్సార్‌లతో కూడిన కొత్త స్మార్ట్‌వాచ్‌ను విడుదల చేసింది. ఈ వాచ్ యొక్క గ్లోబల్ లాంచ్ గత ఏడాది సెప్టెంబర్‌లో చైనాలో ప్రారంభమైంది. ఒప్పో Reno 7 5G సిరీస్‌తో పాటు ఈ స్మార్ట్‌వాచ్ కూడా ఇటీవల భారతదేశంలోకి వచ్చింది. భారతదేశంలోని ఇతర బ్రాండ్‌లకు గట్టి పోటీనిస్తూ ఫాస్ట్ ఛార్జింగ్‌కు ఈ స్మార్ట్‌వాచ్ మద్దతునిస్తుంది. అదనంగా వాచ్ లో అనేక స్పోర్ట్స్ మోడ్‌లు, ఎక్కువ కాలం ఉండే బ్యాటరీ లైఫ్, మరెన్నో ఫీచర్లతో వస్తుంది. స్మార్ట్‌వాచ్‌తో పాటు కంపెనీ OPPO Enco M32 నెక్‌బ్యాండ్ ఇయర్‌ఫోన్‌లను కూడా తీసుకువచ్చింది.

ఒప్పో వాచ్ ఫ్రీ స్మార్ట్‌వాచ్‌ 280 x 456 పిక్సెల్‌ల డిస్‌ప్లే రిజల్యూషన్‌తో 1.64-అంగుళాల AMOLED డిస్‌ప్లేను కలిగి ఉంది. వాచ్ డిస్ప్లే 2.5D కర్వ్డ్ గ్లాస్‌తో పాటు టచ్, DCI-P3 కలర్ గామట్ సపోర్ట్‌తో వస్తుంది. వాచ్ 6.0, అంతకంటే ఎక్కువ వెర్షన్‌లో పనిచేసే Android పరికరంతో కనెక్ట్ అవుతుంది. iOS 10.0, అంతకంటే ఎక్కువ వెర్షన్‌లలో రన్ అవుతున్న iPhoneలకు కూడా కనెక్ట్ అవుతుంది.వాచ్ నుండి స్మార్ట్‌ఫోన్‌కు కనెక్టివిటీ బ్లూటూత్ v5.0 సపోర్ట్‌తో వస్తుంది.ఈ కనెక్టివిటీ స్మార్ట్‌ఫోన్‌ల క్విక్ నోటిఫికేషన్‌లను యాక్సెస్ చేయడానికి వినియోగదారులను అనుమతిస్తుంది. బిల్డ్ గురించి చెప్పాలంటే వాచ్‌లో వాటర్‌ప్రూఫ్ బిల్డ్ ఉంది, అది 5ATM వరకు కొనసాగుతుంది. ఆరోగ్యం, ట్రాకింగ్ లకు సంబంధించి OPPO వాచ్ ఫ్రీ స్మార్ట్‌వాచ్ SpO2 సెన్సార్‌తో వస్తుంది. స్మార్ట్‌వాచ్ మొత్తం 100 స్పోర్ట్స్ మోడ్‌లను కలిగి ఉంది. నిద్రలో ఉన్నప్పుడు స్లీప్ డేటా, హృదయ స్పందన రేటు, SpO2 ప్రాణాధారాలను పర్యవేక్షించే 'OSleep' ఫీచర్ కూడా ఉంది. వాచ్‌లోని స్ట్రాప్ సిలికాన్ స్వాప్ చేయగల పట్టీలతో వస్తుంది, అయితే బ్లాక్ కలర్ షేడ్‌లో మాత్రమే వస్తుంది.

ఈ కొత్త స్మార్ట్ వాచ్ ధర రూ. 5,999 చెబుతున్నారు. OPPO భవిష్యత్తులో ఈ వాచ్ మోడల్ లో ఇతర రంగులను తీసుకురావచ్చు. స్మార్ట్ వాచ్ లభ్యత యొక్క ఖచ్చితమైన తేదీ ఇంకా నిర్ధారించబడలేదు. నెక్‌బ్యాండ్ ఇయర్‌ఫోన్‌లు ప్రారంభ ధర రూ. 1,499 గా నిర్ణయించారు. ఫిబ్రవరి 9 నుండి అందుబాటులోకి రానుంది.


Next Story
Share it