యూజర్లకు షాకిచ్చిన మైక్రోసాఫ్ట్ టీమ్స్

వీడియో కాన్పరెన్సింగ్, చాట్ ప్లాట్‌ఫామ్ మైక్రోసాఫ్ట్ టీమ్స్ సర్వీస్‌కు తీవ్ర అంతరాయం ఏర్పడింది. ప్రముఖ సంస్థ మైక్రోసాఫ్ట్‌ కు చెందిన ఈ సర్వీస్ గురువారం ఉదయం డౌన్ అయింది. భారత్‌ సహా ప్రపంచవ్యాప్తంగా చాలా మంది యూజర్లు ఈ విషయంపై సోషల్ మీడియాలో పోస్ట్‌లు పెట్టారు. పలు టెక్ నిపుణులు కూడా టీమ్స్ సర్వీస్ డౌన్ అయిన విషయాన్ని ధ్రువీకరించారు.

కంపెనీ ఈ సమస్యను పరిష్కరించింది. ఈ విషయాన్ని తాము దర్యాప్తు చేస్తున్నామని తెలిపింది. మైక్రోసాఫ్ట్ టీమ్స్ యూజర్లు ప్లాట్‌ఫారమ్‌ను యాక్సెస్ చేయలేకపోతున్నారని లేదా యాప్‌లోని ఏదైనా ఫీచర్‌ల ప్రయోజనాన్ని పొందలేకపోతున్నామని చెప్పారు. అంతరాయానికి గల కారణాలను కంపెనీ ఇంకా వెల్లడించలేదు. సుమారు భారత కాలమానం ప్రకారం ఉదయం 7.30 గంటల నుంచి ఎంఎస్ టీమ్స్ సర్వీస్‌లో సమస్య వచ్చినట్టు తెలుస్తోంది. వేలాది మంది ఈ సమస్యను ఎదుర్కొంటున్నామన్నారు.

మైక్రోసాఫ్ట్ వర్డ్, ఆఫీస్ ఆన్‌లైన్, షేర్‌పాయింట్ ఆన్‌లైన్ వంటి అనేక మైక్రోసాఫ్ట్ 365 సేవలపై టీమ్‌ల ఇంటిగ్రేషన్‌తో సమస్యలు గుర్తించామని మైక్రోసాఫ్ట్ తెలిపింది. మేము ఆ సేవలకు సంబంధించిన అప్డేట్ లను అందిస్తున్నామన్నారు. "మైక్రోసాఫ్ట్ టీమ్స్‌ను, అందులోని ఫీచర్లను వినియోగించలేకున్నామని యూజర్ల నుంచి రిపోర్ట్‌లు అందాయి. మేం ఈ విషయంపై విచారణ చేస్తున్నాం. సర్వీస్ హెల్త్ డ్యాష్ బోర్డ్‌లో తదుపరి అప్‌డేట్‌లు పొందుపరుస్తాం" అని మైక్రోసాఫ్ట్ వెల్లడించింది.