కొత్త మేక్ఓవర్‌తో వ‌చ్చిన 'కూ'.. ఇక‌పై ఎక్కువ స‌మ‌యం గ‌డిపేలా..

మైక్రో-బ్లాగింగ్ ప్లాట్‌ఫారమ్ కూ(koo) ఐఓఎస్‌, ఆండ్రాయిడ్ యూజర్ల కొరకు అదిరిపోయే బ్రౌజింగ్ అనుభవాన్ని అందిస్తుంది. ఈ మేర‌కు కొత్త డిజైన్ అప్‌గ్రేడ్ చేసింది. ఈ డిజైన్‌ చూడగానే ఆకట్టుకునేలా, సహజంగా, ఆకర్షణీయంగా ఉంటుంది. మునుపటి వెర్షన్ తో పోల్చితే ఇది గణనీయమైన అప్‌గ్రేడ్ గా చెబుతున్నారు. కొత్త ఇంటర్‌ఫేస్ మృదువైనది. సులభంగా నావిగేట్ చేయగలదు. ఇది వినియోగదారులకు సులువైన అనుభవాన్ని అందించడానికి రూపొందించబడింది. కొత్త బ్రౌజింగ్ అనుభవం యూజర్ ఇంటర్‌ఫేస్‌ను మెరుగుపరుస్తుంది.

కూ (Koo) డిజైన్ హెడ్ ప్రియాంక్ శర్మ మాట్లాడుతూ.. యూజ‌ర్‌ ఆనందం మా బ్రాండ్ ఫిలాసఫీలో ప్రధానమైనది. యూజర్ ఇంటర్‌ఫేస్ విషయానికి వస్తే.. సాధ్యమైనంత ఉత్తమమైన అనుభవాన్ని అందించడానికి నిరంతరం కృషి చేస్తాము. యూజ‌ర్‌ లీనమయ్యే బ్రౌజింగ్ అనుభవాన్ని పరిచయం చేయడం అనేది.. ప్రపంచంలోని అత్యుత్తమ మైక్రో-బ్లాగింగ్ ప్లాట్‌ఫాంను నిర్మించడానికి మొదటి అడుగు. ఇప్పటికే వినియోగ‌దారుల‌ నుండి మంచి అభిప్రాయాన్ని పొందాము. కూ (Koo) లో అత్యుత్తమ బ్రౌజింగ్ అనుభవాలను పరిచయం చేయడానికి ఇది ప్రారంభం మాత్రమే అంటూ చెప్పుకొచ్చారు.

భారతదేశంలో స్థానిక భాషలలో స్వీయ వ్యక్తీకరణకు కూ(koo) అతిపెద్ద వేదిక. ఇది ప్రస్తుతం హిందీ, మరాఠీ, గుజరాతీ, కన్నడ, తమిళం, బెంగాలీ, అస్సామీ, తెలుగు, పంజాబీ, ఇంగ్లీషులో ఆలోచనలు, అభిప్రాయాలను పంచుకోవడానికి యూజర్ల(users)కు అందుబాటులో ఉంది. ప్లాట్‌ఫాం యూజర్ల(users) అనుభవాన్ని మెరుగుపరిచే, ప్లాట్‌ఫాంపై సంతృప్తిని పెంచే స్మార్ట్ ఫీచర్‌లను ప్రారంభించడానికి నిరంతరం పని చేస్తుంది. డార్క్ మోడ్, టాక్-టు-టైప్, చాట్ రూమ్‌లు, లైవ్ ఇటీవల ప్రారంభించబడిన కొన్ని ప్రముఖ ఫీచర్లు.