నిత్యం వివాదాలతో సావాసం చేసే దర్శకుడు రామ్‌గోపాల్ వర్మ. ఇప్పటికే ఎన్నో బయోపిక్‌లను తెరకెక్కించాడు. ఇక తన బయోపిక్‌నే తీయనున్నట్లు గతంలో వెల్లడించాడు వర్మ. ఈ బయోపిక్‌ మూడు భాగాలుగా రానుందని చెప్పిన సంగతి తెలిసిందే. మూడు పార్టుల్లో ముగ్గురు వ్యక్తులు నటించనున్నారు. కాగా.. మూడో పార్టులో వర్మనే నటించనున్నాడు. వర్మ దర్శకత్వ పర్యవేక్షణలో తన బయోపిక్ తెరకెక్కుతుందోంది. ఇక ఈ బయోపిక్‌కి సంబంధించిన మొదటి అడుగు తాజాగా పడింది.

రామ్ గోపాల్ వర్మ బయోపిక్‌కి సంబంధించి తొలి భాగం షూటింగ్‌ బుధవారం హైదరాబాద్‌లో ప్రారంభమైంది. ఓ కాలేజీలో వర్మ బయోపిక్ స్టార్ట్‌ మొదలైంది. వర్మ తల్లి సూర్యవతి కెమెరా స్విచ్ఛాన్ చేశారు. అలాగే ఆయన సోదరి విజయ క్లాప్ కొట్టారు. ఈ మూడు భాగాలను బొమ్మకు క్రియేషన్స్ పతాకంపై బొమ్మకు మురళి నిర్మిస్తున్నారు. ఇక మొదటి భాగానికి దొరసాయి తేజ దర్శకత్వం వహిస్తున్నారు. అంతేకాదు ఈ భాగంలో వర్మ పాత్రలోనూ తేజ నటిస్తున్నారు. ఈ పార్ట్‌లో వర్మ కాలేజీ రోజులు, తొలి ప్రేమలు, గ్యాంగ్ ఫైట్స్‌ మొదలైనవి చూపించనున్నారు. అలాగే శివ చేయడానికి గల కారణాలను చూపించనున్నారు. దీనికి ‘రాము’ అనే టైటిల్‌ ఖరారు చేశారు.

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.

Leave a Reply

Your email address will not be published. Required fields are marked *