దారుణం.. యువ‌తిపై జొమాటో డెలివ‌రీ బాయ్ దాడి.. వీడియో వైర‌ల్‌

ఇటీవ‌ల కాలంలో డెలీవ‌రి బాయ్‌లు దారుణంగా ప్ర‌వ‌ర్తిస్తున్న ఘ‌టన‌లు మ‌నం చూస్తూనే ఉన్నాం. తాజాగా ఓ యువ‌తి పుడ్ ఆర్డ‌ర్ చేయ‌గా.. స‌మ‌యానికి రాలేదు. దీంతో ఆర్డ‌ర్‌ను క్యాన్సిల్ చేసింది. స‌రిగ్గా అదే స‌మ‌యానికి డెలివ‌రీ బాయ్ అక్క‌డ‌కు వ‌చ్చాడు. ఇద్ద‌రి మ‌ధ్య స్వ‌ల్ప వాగ్వాదం జ‌రిగింది. స‌హ‌నం కోల్పోయిన స‌ద‌రు డెలివరీ బాయ్ ఆ యువ‌తి ముఖం పై పిడిగుద్దులు గుద్దాడు. దీంతో ఆ యువ‌తి ముక్కులోంచి ర‌క్తం వ‌చ్చింది. త‌న అనుభ‌వాన్ని వివ‌రిస్తూ ఆ యువ‌తి వీడియో చేసి సోష‌ల్ మీడియాలో పోస్ట్ చేయ‌గా.. ప్ర‌స్తుతం అది వైర‌ల్‌గా మారింది.

ఆ వీడియో ఏం ఉందంటే..? బెంగ‌‌ళూరుకి చెందిన మేక‌ప్ ఆర్టిస్ట్ హితేషా చంద్రానీ మంగ‌ళ‌వారం (మార్చి 9) న మ‌ధ్యాహ్నం 3.30 గంట‌ల‌కు జొమాటోలో ఓ పుడ్ ఐట‌మ్‌ను ఆర్డ‌ర్ ఇచ్చింది. అది సాయంత్రం 4.30గంట‌ల క‌ల్లా డెలివ‌రీ చేయాల్సి ఉంది. అయితే.. స‌మ‌యానికి ఆ ఆర్డర్ రాలేదు. చాలా సేపు చూసిన త‌రువాత‌.. ఆర్డ‌ర్ ఆల‌స్యం కావ‌డంపై ఆ సంస్థ క‌స్ట‌మ‌ర్ కేర్ ఎగ్జిక్యూటివ్‌తో మాట్లాడింది. తన ఆర్డ‌ర్‌ను క్యాన్సిల్ చేయాల‌ని కోరింది. ఇంత‌లో డెలివ‌రీ బాయ్ కామ‌రాజ్ అక్క‌డ‌కు చేరుకున్నాడు. ఈ సంద‌ర్భంగా ఇద్ద‌రి మ‌ధ్య స్వ‌ల్ప వాగ్వాదం చోటుచేసుకుంది.

దీంతో ఆగ్ర‌హించిన కామ‌రాజ్ ఆమెపై పిడిగుద్దు వ‌ర్షం కురిపించాడు. అనంత‌రం తెచ్చిన ఆర్డ‌ర్ తీసుకుని అక్క‌డ నుంచి వెళ్లిపోయాడ‌ని ఆ యువ‌తి ఆ వీడియో పేర్కొంది. జొమాటో సేవ‌లు సుర‌క్షిత‌మేనా అంటే వాపోయింది. త‌న‌కు మ‌ద్ద‌తు నిలవాలంటూ కోరింది. ప్ర‌స్తుతం ఈ వీడియో సోష‌ల్ మీడియా వైర‌ల్‌గా మారింది. యువ‌తిపై దాడి చేయ‌డం హేయ‌మైన చ‌ర్య అని నెటిజ‌న్లు కామెంట్లు చేస్తున్నారు. ఇలాంటి వారిని శిక్షించాల‌ని కోరుతున్నారు.