బిడ్డ‌ను ఎత్తుకుని.. మహిళా కానిస్టేబుల్‌ ట్రాఫిక్‌ విధులు

Video of Chandigarh cop holding baby while on duty goes viral.ఓ చేతితో బిడ్డ‌ను భుజాన ఎత్తుకుని ఎండ‌లో ఓ మ‌హిళా కానిస్టేబుల్‌ ట్రాఫిక్‌ విధులు

By తోట‌ వంశీ కుమార్‌
Published on : 7 March 2021 4:48 PM IST

Video of Chandigarh cop holding baby while on duty goes viral

ఓ చేతితో బిడ్డ‌ను భుజాన ఎత్తుకుని ఎండ‌లో ఓ మ‌హిళా కానిస్టేబుల్ ట్రాఫిక్ విధులు నిర్వ‌ర్తించింది. ఓ వ్య‌క్తి దీనిని వీడియో తీసి సోష‌ల్ మీడియాలో పోస్టు చేయ‌డంతో ప్ర‌స్తుతం ఇది వైర‌ల్‌గా మారింది. కాగా.. దీనిపై నెటీజ‌న్లు భిన్నంగా స్పందిస్తున్నారు. చండీగ‌డ్‌కు చెందిన ప్రియాంక ట్రాఫిక్ కానిస్టేబుల్‌గా పనిచేస్తోంది. ఇటీవ‌ల సెక్ట‌ర్ 29 వ‌ద్ద ఉద‌యం 8 గంట‌ల‌కు విధుల‌కు హాజ‌రుకావాల్సి ఉంది. తొలుత వ్య‌క్తిగ‌త ప‌నుల కార‌ణంగా ఆమె హాజ‌రు కాలేక‌పోయింది. అయితే.. విధుల‌కు హాజ‌రు కావాల్సిందేన‌ని అధికారులు చెప్ప‌డంతో త‌న బిడ్డ‌తో క‌లిసి అక్క‌డి వ‌చ్చి ట్రాఫిక్ విధుల‌ను నిర్వర్తించింది‌.

బిడ్డ‌తో ప్రియాంక విధులు నిర్వ‌ర్తించ‌డం చూసిన ఓ వ్య‌క్తి దీనిని వీడియో తీసి సోషల్ మీడియాలో పోస్టు చేశాడు. ఇది వైర‌ల్‌లా మారింది. ఆ మ‌హిళా ట్రాఫిక్ కానిస్టేబుల్ విధి నిర్వ‌హ‌ణ‌ను కొంద‌రు నెటీజ‌న్లు ప్ర‌శంసించగా.. మ‌రికొంద‌రు మాత్రం ఆమె చ‌ర్య‌ను త‌ప్పుబ‌ట్టారు. ఓ వైపు క‌రోనా, మ‌రోవైపు కాలుష్యం ఉన్న ప‌రిస్థితుల్లో ఎండ‌లో రోడ్డుపై బిడ్డ‌తో విధులు నిర్వ‌హించ‌డాన్నిత‌ప్పుబ‌ట్టారు.

ఇటీవలే తాను బిడ్డకు జన్మనివ్వడం జరిగిందని.. కొడుకును చూసుకోవడానికి ఇంట్లో ఎవరూ ఉండరని కానిస్టేబుల్ ప్రియాంక వెల్లడించారు. తాను నాలుగు రోజుల క్రితం డ్యూటీలో చేరడం జరిగిందన్నారు. ఈ ప్రాంతం తన ఇంటికి దూరంగా ఉంటుందని.. విధుల్లో పాల్గొనే సమయంలో ఆలస్యమైందన్నారు. త‌ప్ప‌నిస‌రి ప‌రిస్థితుల్లో బిడ్డ‌ను తీసుకురావాల్సి వ‌చ్చింద‌న్నారు. తనకు అనుకూలమైన ప్రాంతంలో విధులు కేటాయించాలన్న తన అభ్యర్థనకు SSP (traffic) అంగీకరిచిందని ప్రియాంక చెప్పింది.


Next Story