వైన్‌ షాపుపై మాజీ సీఎం ఉమా భారతి రాళ్లతో దాడి.. వారం రోజులు టైమిస్తున్నానంటూ..
Uma Bharti vandalises liquor store in Bhopal. మాజీ కేంద్ర మంత్రి ఉమాభారతి ఆదివారం తన మద్దతుదారులతో భోపాల్ ప్రాంతంలోని మద్యం దుకాణాన్ని ధ్వంసం చేసింది.
By అంజి Published on 14 March 2022 2:57 AM GMT
మాజీ కేంద్ర మంత్రి ఉమాభారతి ఆదివారం తన మద్దతుదారులతో భోపాల్ ప్రాంతంలోని మద్యం దుకాణాన్ని ధ్వంసం చేసింది. వైన్‌షాప్‌లోని మద్యంబాటిళ్లపై ఇటుకను విసిరారు. అలాగే వైన్‌ షాపులు మూసివేయడానికి జిల్లా యంత్రాంగానికి వారం గడువు ఇచ్చారు. రాష్ట్రంలో నిషేధాన్ని చాలాకాలంగా ప్రతిపాదిస్తున్న ఉమా భారతి, బర్ఖేదా పఠానీ ప్రాంతంలో జరిగిన సంఘటన యొక్క వీడియోను స్వయంగా ట్వీట్ చేశారు.
హిందీలో వరుస ట్వీట్లలో ఆమె ఇలా చెప్పింది: "ఇది కూలీల ప్రాంతం. మద్యం దుకాణం ఉన్న ప్రాంతానికి సమీపంలోనే ఓ దేవాలయం, పాఠశాల ఉన్నాయి. సాయంత్రం పూట మహిళలు తమ డాబాలపైకి వస్తే, మద్యం మత్తులో ఉన్న పురుషులు వారిని ఇబ్బంది పెట్టేందుకు తమ వైపు తిప్పుకుని మూత్ర విసర్జన చేస్తారు. కూలీలు తమ సంపాదనంతా మద్యానికి ఖర్చు చేస్తున్నారు. ఇక్కడ అక్రమంగా నిర్వహిస్తున్న షాపును తొలగించాలంటూ ఈ ప్రాంత మహిళలు ఇప్పటికే నిరసనలు చేపట్టారు. కానీ జిల్లా యంత్రాంగం అలా చేయడంలో విఫలమైంది. అన్నారు.
ఉమా భారతి ఒక వారంలోగా దుకాణాలను తొలగించాలని భోపాల్ జిల్లా పరిపాలన యంత్రాంగాన్ని హెచ్చరిస్తూ.. "మద్యం దుకాణం, దాని వరండాలను తొలగించడానికి నేను జిల్లా పరిపాలనకు ఒక వారం సమయం ఇస్తున్నాను" అని ట్వీట్ చేశారు. మరోవైపు భారతి చర్యకు బీజేపీ దూరంగా ఉంది. రాష్ట్ర అధికార ప్రతినిధి హితేష్ బాజ్‌పాయ్ ఒక వీడియోలో మాట్లాడుతూ.. "ఇది ఆమె వ్యక్తిగత ప్రచారం. రాష్ట్రంలో మద్యాన్ని నిషేధించాలని ఆమె అనుకుంటోంది. "అంతేకాకుండా.. ఆమె ఎందుకు అలా చేసిందో ఆమె స్పష్టం చేస్తోంది. మద్యానికి వ్యతిరేకంగా పార్టీ అటువంటి ప్రచారాన్ని అమలు చేయనందున ఆమె చర్యకు బిజెపికి ఎటువంటి సంబంధం లేదు అని అన్నారు.
ఈ సంఘటనకు మూడు రోజుల ముందు మార్చి 10న, ఉమా భారతి ముఖ్యమంత్రి శివరాజ్ సింగ్ చౌహాన్‌ను కలిశారు. సమావేశం తర్వాత చౌహాన్ వరుస ట్వీట్లలో.. "నేను ఉమాభారతి జీతో మద్యం, మరణాల గురించి మాట్లాడాను. మధ్యప్రదేశ్‌ను మద్యపాన రహితంగా చేయడానికి రాష్ట్ర ప్రభుత్వం, ప్రజా ప్రతినిధులు, పౌరులు, సామాజిక సమూహాలు ప్రజా చైతన్య ప్రచారాలను నిర్వహించాలని, వాటికి ఆమె మద్దతు ఇవ్వాలని నేను కోరాను. అని అన్నారు.
మద్యం షాపుల బయట నిరసనలు చేపడతామని భారతి ఇటీవలే ప్రకటించారు. జనవరి 15లోగా మద్యాన్ని నిషేధించకుంటే కర్రతో వీధుల్లోకి వస్తానని గతేడాది ఆమె ప్రకటించారు. ఈ గడువు ముగిసిన రెండు రోజుల తర్వాత మధ్యప్రదేశ్ ప్రభుత్వం విదేశీ మద్యంపై ఎక్సైజ్ సుంకాన్ని 10-13 శాతం తగ్గించి మద్యాన్ని చౌకగా చేసింది. ప్రస్తుతం రాష్ట్రంలో 2,544 దేశీ మద్యం, 1,061 విదేశీ మద్యం దుకాణాలు ఉన్నాయి.
