Video: కొరడాతో కొట్టుకున్న బీజేపీ రాష్ట్ర చీఫ్‌

తమిళనాడు బీజేపీ రాష్ట్ర అధ్యక్షుడు కె.అన్నామలై నిన్నటి విలేకరుల సమావేశంలో చేసిన తాను చేసిన వాగ్దానాన్ని నిలబెట్టుకున్నాడు. శుక్రవారం నాడు ఆరుసార్లు కొరడాతో కొట్టుకుని తన వాగ్దానాన్ని నెరవేర్చుకున్నాడు. ఆకుపచ్చ లుంగి ధరించి, అన్నామలై ఒక పొడవాటి, తెల్లటి కొరడాతో బహిరంగంగా కొరడాలతో కొట్టుకున్నాడు. దీనికి సంబంధించిన వీడియో సోషల్ మీడియాలో వైరల్ అవుతోంది. ఇటీవల అన్నా యునివర్సిటీలో విద్యార్థినులపై లైంగిక వేధింపుల ఘటనపై ప్రభుత్వ తీరుకు నిరసనగా ఆయన ఇలా చేశారు. చొక్కా విప్పి కొరడాతో పలుమార్లు కొట్టుకున్నారు.

మరోవైపు డీఎంకేను గద్దె దించే వరకు తాను చెప్పులు వేసుకోనంటూ అన్నామలై నిన్న శపథం చేసిన విషయం తెలిసిందే. అన్నా యూనివర్సిటీ క్యాంపస్‌లో విద్యార్థినిపై లైంగిక వేధింపుల ఘటన విషయంలో రాష్ట్ర బీజేపీ అధ్యక్షుడు అన్నామలై తీవ్ర ఆగ్రహం వ్యక్తం చేశారు. ''రాష్ట్రంలో పిల్లలు, స్త్రీలకు భద్రత లేదు. యువతిపై లైంగిక వేధింపులకు పాల్పడినవాడు డీఎంకే వ్యక్తే. ఈ డీఎంకేను అధికారం నుంచి దించేవరకూ చెప్పులు కూడా వేసుకోను. రేపటి నుంచి 48 రోజుల పాటు నిరాహార దీక్ష చేయనున్నాను'' అని స్పష్టం చేశారు.