14 గంటలు ఆ‌ర్‌టీజీఎస్ సేవలు బంద్.. ఎప్పుడంటే..

RTGS Services Won't Be Available For 14 Hours on Sunday. ఆర్​టీజీఎస్​ వ్యవస్థ అప్​గ్రేడ్​ వల్ల 14 గంటలపాటు ఈ సేవలు నిలిచిపోనున్నట్లు తెలిపింది.

By Medi Samrat  Published on  16 April 2021 3:35 AM GMT
RTGS services

దేశ వ్యాప్తంగా న‌గ‌దు బ‌దిలీ సేవ‌ల‌కు 14గంట‌ల పాటు అంత‌రాయం ఏర్ప‌డ‌నుంది. తక్షణ నగదు బదిలీ వ్యవస్థ 'రియల్​ టైమ్ గ్రాస్ సెటిల్​మెంట్' (ఆర్​టీజీఎస్) సేవలకు అంతరాయం ఏర్పడనున్నట్లు ఆర్​బీఐ ప్రకటించింది. ఈ మేర‌కు ఈ శనివారం (ఏప్రిల్ 17) అర్ధరాత్రి 12 గంటల నుంచి ఆదివారం (ఏప్రిల్ 18) మధ్యాహ్నం 2 గంటల వరకు.. 14 గంటలపాటు ఈ సేవలు నిలిచిపోనున్నట్లు తెలిపింది.

ఆర్​టీజీఎస్​ వ్యవస్థ అప్​గ్రేడ్​ వల్ల ఈ అంతరాయం ఏర్పడనున్నట్లు ఆర్‌బీఐ వివరించింది. ముఖ్యంగా డిజాస్టర్‌ రికవరీ టైమ్‌ను అప్​గ్రేడ్ చేస్తున్నట్లు పేర్కొంది. ఆర్‌టీజీఎస్‌ సేవలకు అంతరాయం ఏర్పడినా.. నెఫ్ట్​ సేవలు యథాతథంగా కొనసాగుతాయని స్పష్టం చేసింది ఆర్​బీఐ. ఇదిలావుంటే.. 2020 డిసెంబర్​ 14 నుంచి ఆర్​టీజీఎస్​ సేవలు 24 గంటలు అందుబాటులోకి వచ్చాయి.


Next Story
Share it