ఒకే ఇంట్లో ఐదుగురు హత్య.. గొడ్డలితో నరికి చంపిన రిటైర్డ్‌ సైనికుడు.. ఆపై..

ఓ మాజీ సైనికుడు తన తల్లి సహా అతని కుటుంబంలోని ఐదుగురు సభ్యులను నరైన్‌ఘర్‌లో నరికి చంపినట్లు పోలీసులు సోమవారం తెలిపారు. ఈ సంఘటన ఆదివారం రాత్రి నారైన్‌గర్‌లోని రాటర్ గ్రామంలో జరిగినట్లు వారు తెలిపారు. రిటైర్డ్ సైనికుడు భూషణ్ కుమార్ ఐదుగురు కుటుంబ సభ్యులను కిరాతకంగా హతమార్చాడని, వారు నిద్రిస్తున్న సమయంలో గొడ్డలితో దాడి చేసి గాయపరిచాడని పోలీసులు తెలిపారు. నేరం చేసిన తర్వాత మృతదేహాలను కాల్చడానికి కూడా ప్రయత్నించాడని వారు తెలిపారు. ఇద్దరు అన్నదమ్ముల మధ్య జరిగిన భూవివాదమే ఈ ఘటనకు దారితీసినట్లు ప్రాథమిక విచారణలో తేలిందని పోలీసులు తెలిపారు.

మృతులను కుమార్ తల్లి సరూపీ దేవి (65), సోదరుడు హరీష్ కుమార్ (35), హరీష్‌్ కుమార్‌ భార్య సోనియా (32), వారి ఇద్దరు పిల్లలు యాషిక (5), మయాంక్ (6)గా గుర్తించారు. దాడిలో గాయపడిన నిందితుడి తండ్రి ఓం ప్రకాష్‌ నారైనగర్‌లోని సివిల్‌ ఆస్పత్రిలో చికిత్స పొందుతున్నట్లు పోలీసులు తెలిపారు. ఈ ఘటనపై సమాచారం అందుకున్న అంబాలా పోలీస్ సూపరింటెండెంట్ సురీందర్ సింగ్ అర్థరాత్రి సంఘటనా స్థలాన్ని సందర్శించారు. హత్య చేసి పరారైన నిందితుడిని పట్టుకునేందుకు పోలీసు బృందాలను ఏర్పాటు చేశారు. ఈ బృందాలు వివిధ ప్రాంతాల్లో నిందితుడి కోసం గాలిస్తున్నాయని, ఈ కేసులో తదుపరి విచారణ కొనసాగుతోందని పోలీసులు తెలిపారు.