'అమెరికాతో చాలా మంచి ఒప్పందం కుదిరింది' : కేంద్ర మంత్రి పియూష్ గోయల్

మంగళవారం వాణిజ్య మంత్రి పియూష్ గోయల్ భారత్-అమెరికా వాణిజ్య ఒప్పందానికి సంబంధించి ముఖ్యమైన సమాచారాన్ని అందించారు. భారత్‌, అమెరికా మధ్య చాలా మంచి వాణిజ్య ఒప్పందం కుదిరిందని గోయల్ అన్నారు. అమెరికా అధ్యక్షుడు డొనాల్డ్ ట్రంప్, భారత ప్రధాన మంత్రి నరేంద్ర మోదీ సోమవారం రాత్రి ఫోన్‌లో మాట్లాడుకోవడం గమనించదగ్గ విషయం. ఈ సంభాషణ తర్వాత రెండు దేశాల మధ్య వాణిజ్య సంబంధాలపై ఒక ముఖ్యమైన నవీకరణ వెలువడింది.

పియూష్ గోయల్ మాట్లాడుతూ.. మన ప్రధానమంత్రి తన స్నేహితుడు, అధ్యక్షుడు ట్రంప్‌తో కలిగి ఉన్న సన్నిహిత హృదయపూర్వక సంబంధాన్ని బట్టి, మనందరికీ తెలుసు, మన పొరుగు దేశాలు, చుట్టుపక్కల దేశాలు, పోటీ దేశాలన్నింటితో పోలిస్తే భారత్‌ సాధించిన అత్యుత్తమ ఒప్పందం అమెరికాతో కుదిరిన వాణిజ్య ఒప్పందం. ఈ ఒప్పందం మీ అందరి కోసం, మనందరి కోసం సాధించబడింది. ఇది దేశం యొక్క ఉజ్వల భవిష్యత్తుకు సానుకూల సంకేతాలను తెస్తుంది. ఇందుకోసం నెలల తరబడి మా చర్చల బృందాలు అమెరికా అధికారులు, మంత్రులతో నిరంతరం చర్చలు జరిపాయ‌న్నారు.

అధ్యక్షుడు ట్రంప్ భారతదేశం, అమెరికా వాణిజ్య ఒప్పందంపై అంగీకరించాయని, అమెరికా భారతీయ ఉత్పత్తులపై పరస్పర సుంకాలను 25 శాతం నుండి 18 శాతానికి తగ్గిస్తున్నట్లు ప్రకటించారు. ట్రంప్ ప్రకటన తర్వాత ప్రధానమంత్రి నరేంద్ర మోడీ కూడా ట్విట్టర్‌లో దీనిని ధృవీకరించారు. భారతదేశంలో తయారయ్యే ఉత్పత్తులపై సుంకాన్ని 18 శాతానికి తగ్గించడం పట్ల తాను సంతోషంగా ఉన్నానని అన్నారు. కానీ ప్రధాన మంత్రి మోడీ ప్రకటనలో ఎటువంటి వాణిజ్య ఒప్పందం గురించి ప్రస్తావించలేదు. 1.4 బిలియన్ల భారతీయుల తరపున ఆయన ట్రంప్ కు కృతజ్ఞతలు తెలిపారు.