నేడు లోక్‌సభ ముందుకు వన్ నేషన్ వన్ ఎలక్షన్ బిల్లు

బిజెపి నేతృత్వంలోని కేంద్ర ప్రభుత్వం.. 'ఒక దేశం ఒకే ఎన్నికల' బిల్లును ఈరోజు డిసెంబర్ 17న లోక్‌సభలో ప్రవేశపెట్టనుందని ప్రభుత్వ ప్రకటన తెలిపింది. కేంద్ర న్యాయశాఖ మంత్రి అర్జున్ రామ్ మేఘ్వాల్ మంగళవారం లోక్‌సభలో రెండు ముఖ్యమైన బిల్లులను ప్రవేశపెట్టనున్నట్లు ప్రభుత్వం ప్రకటించింది. వీటిలో వన్‌ నేషన్‌ వన్‌ ఎలక్షన్‌ బిల్లు, అధికారికంగా రాజ్యాంగం (నూట ఇరవై తొమ్మిదో సవరణ) బిల్లు - 2024, అలాగే కేంద్రపాలిత ప్రాంతాల చట్టాల (సవరణ) బిల్లు. బిల్లును ప్రవేశపెట్టనున్న నేపథ్యంలో లోక్‌సభలోని ఎంపీలందరికీ బీజేపీ మూడు లైన్ల విప్ జారీ చేసింది.

బిల్లును ప్రవేశపెట్టిన తర్వాత.. విస్తృత సంప్రదింపుల కోసం పార్లమెంటు జాయింట్ కమిటీకి సిఫార్సు చేయవలసిందిగా లోక్‌సభ స్పీకర్ ఓం బిర్లాను మేఘ్వాల్‌ అభ్యర్థించవచ్చు. వివిధ రాజకీయ పార్టీలకు చెందిన ఎంపీల దామాషా బలాన్ని ప్రతిబింబిస్తూ దామాషా ప్రాతిపదికన ఉమ్మడి ప్యానెల్‌ను ఏర్పాటు చేస్తారు. పార్టీ అధికారి ప్రకారం, బిజెపి, అతిపెద్ద పార్టీగా, కమిటీకి ఛైర్మన్‌గా ఉంటుంది. బహుళ సభ్య పదవులను పొందుతుంది. లోక్‌సభ స్పీకర్ ఓం బిర్లా మంగళవారం సాయంత్రంలోగా కమిటీ కూర్పును ప్రకటిస్తారు.

కాగా రాహుల్ గాంధీ, మమతా బెనర్జీ, MK స్టాలిన్‌తో సహా పలువురు ప్రతిపక్ష నాయకులు దేశంలో ఏకకాల ఎన్నికల ఆలోచనను వ్యతిరేకించారు. బిల్లు "ప్రజాస్వామ్య వ్యతిరేకం", "భారత ప్రజాస్వామ్యాన్ని అణగదొక్కడానికి" రూపొందించబడిన నిరంకుశ చర్య అని పేర్కొన్నారు. రామ్ నాథ్ కోవింద్ కమిటీ నివేదికలోని సూచనలను ఆమోదించిన కేంద్రం.. ‘ఒకే దేశం ఒకే ఎన్నిక’ బిల్లును రెండు దశల్లో అమలు చేయాలని నిర్ణయించింది. మొదటి దశలో లోక్‌సభ, అసెంబ్లీ ఎన్నికలు కలిసి జరుగుతాయి, రెండవ దశలో సాధారణ ఎన్నికలు జరిగిన 100 రోజులలోపు స్థానిక సంస్థల (పంచాయతీ, మునిసిపాలిటీలు) ఎన్నికలు జరుగుతాయి.

బిజెపి లోక్‌సభ విజయం తర్వాత తన మొదటి మీడియా ఇంటరాక్షన్‌లో అజెండా ఆజ్ తక్‌లో మాట్లాడుతూ.. కేంద్ర హోం మంత్రి అమిత్ షా 'వన్ నేషన్ వన్ ఎలక్షన్' కోసం పిచ్ చేశారు. బిల్లు ఫెడరలిజం సూత్రాలను దెబ్బతీస్తుందనే ప్రతిపక్షాల వాదనలను తోసిపుచ్చారు.‘వన్ నేషన్ వన్ ఎలక్షన్ అనేది కొత్త విషయం కాదు.. ఈ దేశంలో మూడు ఎన్నికలు వన్ నేషన్ వన్ ఎలక్షన్ పద్ధతిలో జరిగాయి.. 1952లో అన్ని ఎన్నికలు ఒకేసారి జరిగాయి.. 1957లో వేర్వేరు తేదీల్లో ఎన్నికలు జరిగినా ఎనిమిది రాష్ట్రాలకు అసెంబ్లీలు రద్దు చేయబడ్డాయి, దీని తరువాత కూడా, మూడవ ఎన్నికలు ఎక్కువగా ఒకే దేశం, ఒకే ఎన్నికల విధానాన్ని అనుసరించాయి” అని అమిత్ షా అన్నారు.