ఆలయంలో టెర్రరిస్ట్‌ చెంప చెళ్లుమనిపించిన వ్యక్తి.. ఆ తర్వాతే అసలు ట్విస్ట్

మహారాష్ట్రలోని ధూలేలో రద్దీగా ఉండే ఆలయంలోకి ఓ సాయుధ "ఉగ్రవాది" ప్రవేశించాడు. అతడిని చూసి అందరూ భయాందోళనకు గురవుతుండగా, ఒక వ్యక్తి ఆగ్రహానికి గురయ్యాడు. టెర్రరిస్టుకు గుడిలో ఏం పని? అంటూ, రైఫిల్‌తో ఉన్న ఉగ్రవాది దగ్గరికి వెళ్లి గట్టిగా చెంపదెబ్బ కొట్టాడు. కానీ టెర్రరిస్ట్‌ ముఖం మీద గట్టి స్లాప్‌గా ఉండాల్సినది నిమిషాల తర్వాత స్లాప్‌స్టిక్ కామెడీగా మారింది. మహారాష్ట్రలోని ధూలే నగరంలోని రద్దీగా ఉన్న స్వామినారాయణ ఆలయంలోకి చేతిలో రైఫిల్, ముఖంపై నల్లటి గుడ్డ కప్పుకున్న వ్యక్తి ప్రవేశించినప్పుడు భక్తులు భయాందోళనలకు గురయ్యారు. అకస్మాత్తుగా ‘ఉగ్రవాది’ ప్రత్యక్షం కావడంతో సందర్శకుల్లో కలకలం రేగింది.

దీంతో ఓ వ్యక్తి ముందుకు వచ్చి "ఉగ్రవాది"ని చెంపపై కొట్టడంతో సంఘటనలు ఊహించని మలుపు తిరిగాయి. అయితే కొద్దిసేపటి తర్వాత, ఇది నిజమైన ఉగ్రవాద పరిస్థితి కాదని, తాము నిర్వహించిన డ్రిల్ అని పోలీసులు ప్రజలకు తెలియజేశారు. ఇటువంటి పరిస్థితులలో పౌరుల అప్రమత్తతను గమనించడం డ్రిల్ యొక్క ఉద్దేశ్యం. ఇది పోలీసుల డ్రిల్ అని, టెర్రరిస్టుగా నటిస్తున్న వ్యక్తి పోలీసు అని తెలియగానే ప్రశాంత్ కులకర్ణి (35) అనే వ్యక్తి కోపం చల్లారింది. పోలీసులు చేస్తున్న ఇలాంటి కసరత్తులు పౌరులను భయాందోళనకు గురిచేస్తున్నాయని పలువురు యువకులు ఆవేదన వ్యక్తం చేశారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది. అతని పిల్లలు "ఉగ్రవాది"ని చూసి భయపడిన వ్యక్తికి కోపం వచ్చిందని పలువురు పేర్కొన్నారు.