మరో ఐదు భాషలకు క్లాసికల్‌ లాంగ్వేజ్ స్టేటస్‌

దేశంలోని మరో 5 భాషలకు క్లాసికల్‌ లాంగ్వేజ్‌ స్టేటస్‌ ఇవ్వాలని కేంద్ర కేబినెట్‌ నిర్ణయించింది. మరాఠీ, బెంగాలీ, పాళీ, ప్రాకృత, అస్సామీ భాషాలకు ఈ స్థాయిని కల్పించనుంది. దీంతో వీటితో కలిపి దేశంలోని సాంప్రదాయ భాషల సంఖ్య 11కు చేరనుంది. ఇప్పటి వరకు తమిళం, సంస్కృతం, తెలుగు, కన్నడ, మలయాళం, ఒడియా భాషలు మాత్రమే ఈ స్టేటస్‌ను కలిగి ఉన్నాయి.

మరాఠీ మరియు బెంగాలీతో సహా మరో ఐదు భారతీయ భాషలకు కేంద్ర ప్రభుత్వం గురువారం శాస్త్రీయ భాషా ట్యాగ్‌ను ప్రదానం చేసింది. మరాఠీ, బెంగాలీ, పాళీ, ప్రాకృతం, అస్సామీ వంటి ఐదు భాషలకు క్లాసికల్ లాంగ్వేజెస్‌గా గుర్తింపు లభించిందని సమాచార, ప్రసార శాఖ మంత్రి అశ్విని వైష్ణవ్ గురువారం మీడియా సమావేశంలో ప్రకటించారు. ప్రధాని నరేంద్ర మోదీ అధ్యక్షతన జరిగిన కేంద్ర మంత్రివర్గ సమావేశంలో ఈ నిర్ణయం తీసుకున్నారు.

''ఇది చారిత్రాత్మక నిర్ణయం'' అని కేంద్రమంత్రి అశ్వినీ వైష్ణవ్ అన్నారు. ''ప్రధాని మోదీ ఎప్పుడూ భారతీయ భాషలపైనే దృష్టి సారించారు... నేడు 5 భాషలు మరాఠీ, పాళీ, ప్రాకృతం, అస్సామీ, బెంగాలీలను ప్రాచీన భాషలుగా ఆమోదించారు'' అని అశ్వివ్ వైష్ణవ్ తెలిపారు. సాంప్రదాయ భాషలను పరిరక్షించడానికి, ప్రోత్సహించడానికి.. ఆ భాషల గొప్ప వారసత్వాన్ని పరిరక్షించడానికి కేంద్ర ప్రభుత్వం అనేక చర్యలు తీసుకుంటోందని కేంద్ర మంత్రి అశ్విని వైష్ణవ్ తెలిపారు.

"మా ప్రభుత్వం భారతదేశం యొక్క గొప్ప చరిత్ర, సంస్కృతిని గౌరవిస్తుంది. జరుపుకుంటుంది. ప్రాంతీయ భాషలను ప్రాచుర్యంలోకి తీసుకురావడానికి ఇది మా నిబద్ధత చాటి చెబుతుంది. అస్సామీ, బెంగాలీ, మరాఠీ, పాలీ మరియు ప్రాకృతాలకు క్లాసికల్ హోదాను ప్రదానం చేయాలని కేబినెట్ నిర్ణయించినందుకు నేను చాలా సంతోషిస్తున్నాను. వాటిలో ప్రతి ఒక్కటి అందమైన భాషలు, ప్రతి ఒక్కరికీ అభినందనలు" అని ప్రధాని మోదీ పేర్కొన్నారు.