స్పేస్‌ డాకింగ్‌ ప్రయోగం మరోసారి వాయిదా: ఇస్రో

స్పేస్‌ డాకింగ్‌ ప్రయోగం (స్పేడెక్స్‌) మరోసారి వాయిదా పడినట్టు భారత అంతరిక్ష పరిశోధనా సంస్థ (ఇస్రో) తెలిపింది. ఉపగ్రహాల కదలిక చాలా నెమ్మదిగా ఉందని, ఊహించిన దానికంటే వాటి మధ్య దూరం ఎక్కువగా ఉన్నట్టు స్పష్టం చేసింది. మరోవైపు ఉపగ్రహాలు సురక్షితంగా ఉన్నట్టు వెల్లడించింది. తదుపరి డాకింగ్‌ తేదీని మాత్రం ఇస్రో వెల్లడించలేదు. 2 ఉపగ్రహాలను భూకక్ష్యలో అనుసంధానించడమే లక్ష్యంగా ఈ నెల 7 జరగాల్సిన ప్రయోగం నేటికి, నేడు మరోసారి వాయిదా పడింది. ఉపగ్రహాల మధ్య దూరాన్ని 225 మీటర్లకు తగ్గించే విన్యాసాల్లో ఈ సమస్య తలెత్తిందని, తమ తర్వాత అంచనాలకు మించి రెండు ఉపగ్రహాల మధ్య డ్రిఫ్ట్ వచ్చిందని భారత అంతరిక్ష సంస్థ పేర్కొంది.

ప్రయోగంలో పాల్గొన్న రెండు ఉపగ్రహాలు-SDX01 (ఛేజర్), SDX02 (టార్గెట్) సురక్షితంగా ఉన్నాయని, సాధారణంగా పనిచేస్తున్నాయని ఇస్రో తెలిపింది. డాకింగ్ ప్రయత్నం కోసం సవరించిన టైమ్‌లైన్ త్వరలో ప్రకటించబడుతుంది. స్పేడెక్స్‌ మిషన్, డిసెంబర్ 30, 2024న PSLV C60 రాకెట్‌లో ప్రయోగించబడింది. అంతరిక్ష డాకింగ్ టెక్నాలజీలో భారతదేశం యొక్క సామర్థ్యాన్ని ప్రదర్శించడం లక్ష్యంగా పెట్టుకుంది. ఈ సామర్థ్యాన్ని యూఎస్‌, రష్యా, చైనా దేశాలు మాత్రమే కలిగి ఉన్నాయి. 220 కిలోల బరువున్న ఈ రెండు ఉపగ్రహాలు ప్రస్తుతం 475 కిలోమీటర్ల ఎత్తులో కక్ష్యలో తిరుగుతున్నాయి. స్పేస్ డాకింగ్, ఒక ఖచ్చితమైన, సంక్లిష్టమైన ఆపరేషన్, కక్ష్యలో రెండు అంతరిక్ష నౌకలను సమలేఖనం చేయడం.. కనెక్ట్ చేయడం .. భవిష్యత్తులో అంతరిక్ష పరిశోధన మిషన్లకు ఇది చాలా కీలకం.