భార‌త్ క‌రోనా అప్‌డేట్‌.. స్వ‌ల్పంగా పెరిగిన కేసులు.. కొత్త‌గా ఎన్నంటే..?
India Reports 7946 new corona cases.దేశంలో నిన్న‌టితో పోలిస్తే నేడు కేసుల సంఖ్య స్వ‌ల్పంగా పెరిగింది.
By తోట వంశీ కుమార్‌ Published on 1 Sep 2022 5:11 AM GMT
దేశంలో క‌రోనా వ్యాప్తి కొన‌సాగుతూనే ఉంది. నిన్న‌టితో పోలిస్తే నేడు కేసుల సంఖ్య స్వ‌ల్పంగా పెరిగింది. గ‌డిచిన 24 గంట‌ల్లో 2,66,477 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 7946 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,33,762కి చేరింది. నిన్న 37 మంది ప్రాణాలు కోల్పోయారు. దీంతో దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు మ‌ర‌ణించిన వారి సంఖ్య 5,27,911కి చేరింది.
నిన్న 9,828 మంది కోలుకోగా.. మొత్తం 4,38,45,680 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 62,748 యాక్టివ్ కేసులు ఉన్నాయి. రిక‌వ‌రీ రేటు 98.67 శాతంగా, రోజు వారి పాజిటివ్ రేటు 2.98 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 12,90,443 మందికి టీకా ఇచ్చారు. మొత్తంగా ఇప్పటి వరకు 212.52 కోట్ల డోసులను పంపిణీ చేశారు.
