మ‌ళ్లీ పెరిగిన క‌రోనా కేసులు
India Reports 7219 new corona cases.దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి.
By తోట వంశీ కుమార్‌ Published on 3 Sep 2022 5:06 AM GMT
దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి. నిన్న‌టితో పోలిస్తే నేడు కేసుల సంఖ్య స్వ‌ల్పంగా పెరిగాయి. నిన్న 3,64,886 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 7219 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,49,726కి చేరింది. నిన్న25 మంది ప్రాణాలు కోల్పోయారు. దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు మ‌ర‌ణించిన వారి సంఖ్య 5,27,965కి చేరింది.
నిన్న 9,651 మంది కోలుకోగా.. మొత్తం 4,38,65,016 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 56,745 యాక్టివ్ కేసులు ఉన్నాయి. రిక‌వ‌రీ రేటు 98.68 శాతంగా, రోజు వారి పాజిటివ్ రేటు 1.98 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 25,83,815 మందికి టీకా ఇచ్చారు. మొత్తంగా ఇప్పటి వరకు 213.01 కోట్ల డోసులను పంపిణీ చేశారు.
