దేశంలో త‌గ్గిన క‌రోనా కేసులు

దేశంలో క‌రోనా వ్యాప్తి అదుపులోనే ఉంది. నిన్న‌టితో పోలిస్తే నేడు కేసుల సంఖ్య స్వ‌ల్పంగా త‌గ్గాయి. నిన్న 3,20,820 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 6,809 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,56,535కి చేరింది. నిన్న 8,414 మంది కోలుకోగా.. మొత్తం 4,38,73,430 మంది ఈ మ‌హ‌మ్మారిని జ‌యించారు.

ప్ర‌స్తుతం దేశంలో 55,114 యాక్టివ్ కేసులు ఉన్నాయి. రిక‌వ‌రీ రేటు 98.69 శాతంగా, రోజు వారి పాజిటివ్ రేటు 2.12 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 19,35,814 మందికి టీకా ఇచ్చారు. మొత్తంగా ఇప్పటి వరకు 213.20 కోట్ల డోసులను పంపిణీ చేశారు.