తగ్గుముఖం ప‌ట్టిన క‌రోనా కేసులు
India Reports 6168 new corona cases.దేశంలో క‌రోనా వైర‌స్ వ్యాప్తి క్ర‌మంగా తగ్గుముఖం ప‌డుతోంది.
By తోట వంశీ కుమార్‌ Published on 2 Sep 2022 4:45 AM GMT
దేశంలో క‌రోనా వైర‌స్ వ్యాప్తి క్ర‌మంగా తగ్గుముఖం ప‌డుతోంది. నిన్న‌టితో పోలిస్తే నేడు కేసుల సంఖ్య త‌గ్గాయి. గ‌డిచిన 24 గంట‌ల్లో 3,18,642 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 6168 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,42,507కి చేరింది. నిన్న21 మంది మ‌ర‌ణించారు. దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు మ‌ర‌ణించిన వారి సంఖ్య 5,27,932కి చేరింది.
నిన్న 9,685 మంది కోలుకోగా.. మొత్తం 4,38,55,365 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 59,210 యాక్టివ్ కేసులు ఉన్నాయి. రిక‌వ‌రీ రేటు 98.68 శాతంగా, రోజు వారి పాజిటివ్ రేటు 1.94 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 22,40,162 మందికి టీకా ఇచ్చారు. మొత్తంగా ఇప్పటి వరకు 212.75 కోట్ల డోసులను పంపిణీ చేశారు.
