స్వ‌ల్పంగా త‌గ్గిన క‌రోనా కేసులు
India Reports 6093 new corona cases.దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి.
By తోట వంశీ కుమార్‌ Published on 9 Sep 2022 4:34 AM GMT
దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి. నిన్న‌టితో పోలిస్తే నేడు కేసుల సంఖ్య స్వ‌ల్పంగా త‌గ్గాయి. నిన్న దేశ వ్యాప్తంగా 3,16,504 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 6093 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,84,729కి చేరింది. నిన్న 9,768 మంది కోలుకోగా.. మొత్తం 4,39,06,972 మంది ఈ మ‌హ‌మ్మారిని జ‌యించారు. నిన్న 18 మంది ప్రాణాలు కోల్పోగా మొత్తంగా ఇప్పటి వరకు మ‌ర‌ణించిన వారి సంఖ్య 5,28,121 కి చేరింది.
ప్ర‌స్తుతం దేశంలో 49,636 యాక్టివ్ కేసులు ఉన్నాయి. రిక‌వ‌రీ రేటు 98.7 శాతంగా, రోజు వారి పాజిటివ్ రేటు 1.93 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 28,09,189 మందికి టీకా ఇచ్చారు. మొత్తంగా ఇప్పటి వరకు 214.55 కోట్ల డోసులను పంపిణీ చేశారు.
Next Story
