స్వ‌ల్పంగా పెరిగిన క‌రోనా కేసులు
India Reports 5108 new covid-19 cases.దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి.
By తోట వంశీ కుమార్‌ Published on 14 Sep 2022 4:56 AM GMT
దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి. నిన్న దేశ వ్యాప్తంగా 3,55,231 మందికి క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 5,108 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,45,10,057కి చేరింది. నిన్న 5,675 మంది కోలుకోగా.. మొత్తం 4,39,36,092 మంది ఈ మ‌హ‌మ్మారిని జ‌యించారు. నిన్న 31 మంది ప్రాణాలు కోల్పోయారు. దేశంలో క‌రోనా మ‌హ‌మ్మారి మొద‌లైన‌ప్ప‌టి నుంచి ఇప్పటి వరకు మ‌ర‌ణించిన వారి సంఖ్య 5,28,216 కి చేరింది.
ప్ర‌స్తుతం దేశంలో 45,749 యాక్టివ్ కేసులు ఉన్నాయి. రిక‌వ‌రీ రేటు 98.71 శాతంగా, రోజు వారి పాజిటివ్ రేటు 1.44 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 19,25,881 మందికి టీకా ఇచ్చారు. మొత్తంగా ఇప్పటి వరకు 215.67 కోట్ల డోసులను పంపిణీ చేశారు.
Next Story
