త‌గ్గిన క‌రోనా కేసులు.. కొత్తగా ఎన్నంటే..?

దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతున్నాయి. నిన్న‌టితో పోలిస్తే నేడు కేసుల సంఖ్య త‌గ్గింది. గ‌డిచిన 24 గంట‌ల్లో దేశ వ్యాప్తంగా 3,03,888 మందికి క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 4,912 పాజిటివ్ కేసులు వ‌చ్చాయి. నిన్న 5,719 మంది కోలుకోగా.. మొత్తంగా కోలుకున్న‌వారి సంఖ్య 4,39,90,414 మందికి చేరింది. నిన్న 19 మంది ప్రాణాలు కోల్పోయారు. దేశంలో క‌రోనా మ‌హ‌మ్మారి మొద‌లైన‌ప్ప‌టి నుంచి ఇప్ప‌టి వ‌ర‌కు ప్రాణాలు కోల్పోయిన‌ వారి సంఖ్య 5,28,487 కి చేరింది.

ప్ర‌స్తుతం దేశంలో 44,436 యాక్టివ్ కేసులు ఉన్నాయి. రిక‌వ‌రీ రేటు 98.71 శాతంగా, రోజు వారి పాజిటివ్ రేటు 1.62 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 14,76,840 మందికి టీకా ఇచ్చారు. మొత్తంగా ఇప్పటి వరకు 217.41 కోట్ల డోసులను పంపిణీ చేశారు.