దేశంలో త‌గ్గుముఖం ప‌డుతున్న క‌రోనా
India Reports 4417 new corona cases.దేశంలో క‌రోనా తీవ్రత త‌గ్గుముఖం ప‌డుతోంది.
By తోట వంశీ కుమార్‌ Published on 6 Sep 2022 5:07 AM GMT
దేశంలో క‌రోనా తీవ్రత త‌గ్గుముఖం ప‌డుతోంది. నిన్న దేశ వ్యాప్తంగా 3,67,490 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 4,417 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,44,66,862కి చేరింది. నిన్న 6,032 మంది కోలుకోగా.. మొత్తం 4,38,86,496 మంది ఈ మ‌హ‌మ్మారిని జ‌యించారు. నిన్న 22 మంది మ‌ర‌ణించగా మొత్తం ఇప్పటి వరకు ప్రాణాలు కోల్పోయిన వారి సంఖ్య 5,28,030కి చేరింది.
ప్ర‌స్తుతం దేశంలో 52,336 యాక్టివ్ కేసులు ఉన్నాయి. రిక‌వ‌రీ రేటు 98.69 శాతంగా, రోజు వారి పాజిటివ్ రేటు 1.20 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 19,93,670 మందికి టీకా ఇచ్చారు. మొత్తంగా ఇప్పటి వరకు 213.72 కోట్ల డోసులను పంపిణీ చేశారు.
Next Story
