భార‌త్ క‌రోనా అప్‌డేట్‌.. భారీగా పెరిగిన కేసులు

India reports 39097 new covid-19 cases in last 24hours.దేశంలో క‌రోనా మ‌హ‌మ్మారి వ్యాప్తి కొన‌సాగుతోంది. నిన్న‌టితో

By తోట‌ వంశీ కుమార్‌  Published on  24 July 2021 4:46 AM GMT
భార‌త్ క‌రోనా అప్‌డేట్‌.. భారీగా పెరిగిన కేసులు

దేశంలో క‌రోనా మ‌హ‌మ్మారి వ్యాప్తి కొన‌సాగుతోంది. నిన్న‌టితో పోలిస్తే నేడు కేసుల సంఖ్య భారీగా పెరిగింది. గ‌డిచిన 24 గంట‌ల్లో 16,31,266 క‌రోనా శాంపిళ్ల‌ను పరీక్షించ‌గా.. 39,097 మందికి క‌రోనా పాజిటివ్‌గా నిర్ధార‌ణ అయిన‌ట్లు కేంద్ర ఆరోగ్య శాఖ శ‌నివారం ఉద‌యం విడుద‌ల‌ చేసిన బులిటెన్‌లో వెల్ల‌డించింది. దీంతో దేశంలో మొత్తం పాజిటివ్ కేసుల సంఖ్య 3,13,32,159కి చేరింది. నిన్న ఒక్క రోజే 546 మంది క‌రోనాతో పోరాడుతూ ప్రాణాలు కోల్పోయారు. దీంతో దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్ప‌టి వ‌ర‌కుప్రాణాలు కోల్పోయిన వారి సంఖ్య 4,20,016 కి పెరిగింది.

నిన్న35,087 బాధితులు కోలుకోగా.. మొత్తంగా కోలుకున్న వారి సంఖ్య 3,05,03,166 కి చేరింది. ప్ర‌స్తుతం దేశంలో 4,08,977 యాక్టివ్ కేసులు ఉన్నాయి. జాతీయ రికవరీ రేటు 97.35శాతం, వీక్లీ పాజిటివిటీ రేటు 2.22శాతంగా ఉందని తెలిపింది. రోజువారీ పాజిటివిటీ రేటు 2.40 శాతంగా ఉంద‌ని ఆరోగ్యశాఖ పేర్కొంది. దేశంలో వ్యాక్సినేష‌న్ కార్య‌క్ర‌మం ముమ్మ‌రంగా కొన‌సాగుతోంది. నిన్న ఒక్క రోజే 42.76 ల‌క్ష‌ల మందికి టీకా అందించ‌గా.. మొత్తంగా ఇప్ప‌టి వ‌ర‌కు 42.78కోట్ల‌కు పైగా టీకా డోసులు పంపిణీ అయ్యాయి.

Next Story
Share it