భారీగా త‌గ్గిన క‌రోనా కేసులు.. కొత్త‌గా ఎన్నంటే..?
India Reports 13272 new covid-19 cases.దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి.
By తోట వంశీ కుమార్‌ Published on 20 Aug 2022 5:08 AM GMT
దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి. నిన్న‌టితో పోలిస్తే నేడు కేసుల సంఖ్య భారీగా త‌గ్గింది. నిన్న దేశ వ్యాప్తంగా 3,15,231 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 13,272పాజిటివ్ కేసులు న‌మోదు అయ్యాయి. వీటితో క‌లుపుకుంటే మొత్తం కేసుల సంఖ్య 4,43,27,890కి చేరింది. గ‌డిచిన 24 గంట‌ల్లో 36 మంది మ‌ర‌ణించారు.
దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు 5,27,289 మంది ప్రాణాలు కోల్పోయారు. గ‌డిచిన 24 గంట‌ల్లో 13,900 మంది కోలుకోగా.. మొత్తం 4,36,99,435 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 1,01,166 యాక్టివ్ కేసులు ఉన్నాయి. రిక‌వ‌రీ రేటు 98.58 శాతంగా, రోజు వారి పాజిటివ్ రేటు 4.21 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 13,15,536 మందికి టీకా ఇచ్చారు. మొత్తంగా ఇప్పటి వరకు 209.40 కోట్ల డోసులను పంపిణీ చేశారు.
