త‌గ్గుముఖం ప‌ట్టిన క‌రోనా.. ల‌క్ష‌కు దిగువ‌న యాక్టివ్ కేసులు
India Reports 11539 new covid-19 cases.దేశంలో క‌రోనా మ‌హ‌మ్మారి వ్యాప్తి కొన‌సాగుతూనే ఉంది. నిన్న‌టితో పోలిస్తే నేడు
By తోట వంశీ కుమార్‌ Published on 21 Aug 2022 4:51 AM GMT
దేశంలో క‌రోనా మ‌హ‌మ్మారి వ్యాప్తి కొన‌సాగుతూనే ఉంది. నిన్న‌టితో పోలిస్తే నేడు కేసుల సంఖ్య స్వ‌ల్పంగా పెరిగింది. నిన్న దేశ వ్యాప్తంగా 3,07,680 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 11,539పాజిటివ్ కేసులు న‌మోదు అయ్యాయి. వీటితో క‌లుపుకుంటే మొత్తం కేసుల సంఖ్య 4,43,39,429కి చేరింది. గ‌డిచిన 24 గంట‌ల్లో 43 మంది ప్రాణాలు కోల్పోయారు.
దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు 5,27,332 మంది మ‌ర‌ణించారు. గ‌డిచిన 24 గంట‌ల్లో 12,783 మంది కోలుకోగా.. మొత్తం 4,37,12,218 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 99,879 యాక్టివ్ కేసులు ఉన్నాయి. రిక‌వ‌రీ రేటు 98.59 శాతంగా, రోజు వారి పాజిటివ్ రేటు 3.75 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 26,58,755 మందికి టీకా ఇచ్చారు. మొత్తంగా ఇప్పటి వరకు 209.67కోట్ల డోసులను పంపిణీ చేశారు.
