భార‌త్ క‌రోనా అప్‌డేట్‌.. పెరిగిన మ‌ర‌ణాలు
India Reports 10256 new corona cases.దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి.
By తోట వంశీ కుమార్‌ Published on 26 Aug 2022 4:46 AM GMT
దేశంలో రోజువారి క‌రోనా కేసుల్లో హెచ్చుత‌గ్గులు కొన‌సాగుతూనే ఉన్నాయి. నిన్న దేశ వ్యాప్తంగా 4,22,322 క‌రోనా నిర్థార‌ణ ప‌రీక్ష‌లు చేయ‌గా కొత్త‌గా 10,256 పాజిటివ్ కేసులు వ‌చ్చాయి. దీంతో మొత్తం కేసుల సంఖ్య 4,43,89,176కి చేరింది. నిన్న దేశ వ్యాప్తంగా క‌రోనా కార‌ణంగా 68 మంది మ‌ర‌ణించారు.
దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్పటి వరకు 5,27,556 మంది ప్రాణాలు కోల్పోయారు. గ‌డిచిన 24 గంట‌ల్లో 13,528 మంది కోలుకోగా.. మొత్తం 4,37,70,913 మంది ఈ మ‌హ‌మ్మారిని జ‌యించారు. ప్ర‌స్తుతం దేశంలో 90,707 యాక్టివ్ కేసులు ఉన్నాయి. రిక‌వ‌రీ రేటు 98.61శాతంగా, రోజు వారి పాజిటివ్ రేటు 2.43 శాతంగా ఉంది. దేశంలో క‌రోనా వ్యాక్సినేష‌న్ కార్య‌క్ర‌మం కొన‌సాగుతూనే ఉంది. నిన్న 31,60,292 మందికి టీకా ఇచ్చారు. మొత్తంగా ఇప్పటి వరకు 211.13 కోట్ల డోసులను పంపిణీ చేశారు.
