దేశంలో నాలుగు కోట్లు దాటిన కరోనా కేసులు
India Corona Update on January 26th.దేశంలో కరోనా విజృంభణ కొనసాగుతూనే ఉంది. మనదేశంలోకి ఈ మహమ్మారి
By తోట వంశీ కుమార్
దేశంలో కరోనా విజృంభణ కొనసాగుతూనే ఉంది. మనదేశంలోకి ఈ మహమ్మారి ప్రవేశించి రెండు సంవత్సరాలు కావొస్తొంది. దశల వారీగా విజృంభిస్తూ.. కంటి మీద కునుకు లేకుండా చేస్తుంది. ఇప్పటి వరకు నాలుగు కోట్ల కరోనా కేసులు వెలుగుచూశాయి. గడిచిన 24 గంటల్లో 17,69,745 మందికి కరోనా నిర్థారణ పరీక్షలు చేయగా.. 2,85,914 పాజిటివ్ కేసులు నమోదు అయినట్లు బుధవారం ఉదయం విడుదల చేసిన బులిటెన్లో కేంద్ర ఆరోగ్యశాఖ వెల్లడించింది. దీంతో దేశంలో కరోనా పాజిటివ్ కేసుల సంఖ్య4,00,85,116కి చేరింది. నిన్న 665 మంది మరణించారు. మొత్తంగా ఇప్పటి వరకు కరోనాతో ప్రాణాలు కోల్పోయిన వారి సంఖ్య 4,91,127కి చేరింది.
#Unite2FightCorona#LargestVaccineDrive#OmicronVariant
— Ministry of Health (@MoHFW_INDIA) January 26, 2022
𝗖𝗢𝗩𝗜𝗗 𝗙𝗟𝗔𝗦𝗛https://t.co/qbZ84yNXqH pic.twitter.com/hnALQ2qxox
ఒక్క రోజులో 2,99,073 మంది ఈ మహమ్మారి నుంచి కోలుకున్నారు. దీంతో ఇప్పటి వరకు ఈ మహమ్మారిని జయించిన వారి సంఖ్య 3,73,70,971కి చేరింది. ప్రస్తుతం దేశంలో 22,23,018యాక్టివ్ కేసులు ఉన్నాయి. రికవరీ రేటు 93.23శాతంగా ఉంది. ఇక పాజిటివిటీ రేటు కూడా 16.16శాతంగా నమోదు అయింది. నిన్న 59 లక్షల మందికి టీకా అందించారు. ఇప్పటి వరకు దేశ వ్యాప్తంగా 163.58 కోట్ల డోసులను పంపిణీ చేశారు.