'హిందీకి.. దేశాన్ని ఏకం చేసే దమ్ముంది'.. కేంద్రమంత్రి కీలక వ్యాఖ్యలు

దేశాన్ని ఏకం చేయడానికి హిందీ భాషకు ఉన్న సామర్థ్యాన్ని కేంద్ర మంత్రి సర్బానంద సోనోవాల్ శనివారం హైలెట్‌ చేశారు.. హిందీ ఏనాడూ ఇతర ప్రాంతీయ భాషలకు శత్రుత్వం చూపలేదని, వాటిని ‘సంపన్నం’ చేసిందన్నారు. దక్షిణ భారత హిందీ ప్రచార సభ 83వ కాన్వకేషన్‌లో కేంద్ర మంత్రి సోనోవాల్ మాట్లాడుతూ.. హిందీ ఏకం చేసే అంశం అని, ఇది దేశాన్ని ఏకం చేయగలదని అన్నారు. మహాత్మా గాంధీని ప్రార్థిస్తూ, "దేశ సమైక్యత"లో హిందీ పోషించిన పాత్రను మరింత హైలైట్ చేశారు.

''భారతీయులందరి హృదయాల్లో హిందీ నివసిస్తోందని, ఈ భాష ద్వారా మనం నిజంగానే గాంధేయ స్ఫూర్తితో యావత్ దేశాన్ని ఏకం చేయగలం. హిందీ ప్రతి ఇతర ప్రాంతీయ భాషనూ అంగీకరించిందని, దానికి సంబంధితంగా ఉంది'' అని కేంద్ర ఓడరేవులు, షిప్పింగ్ మరియు జలమార్గాల మంత్రి సర్బానంద సోనోవాల్ అన్నారు.

చెన్నైలోని మహాత్మా గాంధీ కాన్వొకేషన్ హాల్‌లో జరిగిన సభలో ప్రసంగించారు. హిందీని ప్రపంచ భాషగా మార్చేందుకు భారతీయులు, ముఖ్యంగా యువత కృషి చేయాలని సోనోవాల్ పేర్కొన్నారు. ఈ కార్యక్రమానికి హాజరైన యువత హిందీ రాయబారులుగా ఉండాలని, హిందీని ప్రపంచ భాషగా మార్చేందుకు నిబద్ధతతో ఉండాలన్నారు.

''మనం హిందీని ప్రపంచ భాషగా స్థాపించాలి. యువత హిందీకి రాయబారులుగా మారి దాని అందం, గొప్పతనాన్ని ప్రపంచానికి చాటిచెప్పాలి. ప్రపంచ భాషగా ఉండడానికి హిందీ భాషలో ఈ బలం ఉంది. హిందీ ప్రపంచ భాషగా మారేలా మనం పని చేయాలి'' అని కేంద్ర మంత్రి సోనోవాల్ అన్నారు. ఈ కార్యక్రమానికి ముఖ్య అతిథిగా దక్షిణ భారత హిందీ ప్రచార సభ అధ్యక్షుడు వి మురళీధరన్ అధ్యక్షత వహించారు. ఈ సందర్భంగా దక్షిణాది రాష్ట్రాల్లో హిందీ ప్రచారానికి విశేష కృషి చేసిన ఐదుగురు సీనియర్ హిందీ ప్రచారకులను ఈ సందర్భంగా సత్కరించారు.