దేశంలో లాక్డౌన్ వదంతులపై కేంద్ర మంత్రి హర్దీప్ సింగ్ పూరి క్లారిటీ!
దేశవ్యాప్త లాక్డౌన్ రాబోతోందంటూ సోషల్ మీడియాలో వస్తున్న వదంతులను కేంద్ర మంత్రి హర్దీప్ సింగ్ పూరి అధికారికంగా ఖండించారు
By - Knakam Karthik
దేశంలో లాక్డౌన్ వదంతులపై కేంద్ర మంత్రి హర్దీప్ సింగ్ పూరి క్లారిటీ!
దేశవ్యాప్త లాక్డౌన్ రాబోతోందంటూ సోషల్ మీడియాలో వస్తున్న వదంతులను కేంద్ర మంత్రి హర్దీప్ సింగ్ పూరి అధికారికంగా ఖండించారు. ప్రజల్లో నెలకొన్న ఆందోళనలను తొలగిస్తూ, ప్రభుత్వానికి అలాంటి ప్రతిపాదన ఏదీ లేదని ఆయన స్పష్టం చేశారు. పౌరులు ప్రశాంతంగా ఉండాలని, కేవలం అధికారిక సమాచారాన్ని మాత్రమే నమ్మాలని ఆయన కోరారు.
ప్రపంచవ్యాప్తంగా ఇంధన మార్కెట్లు, సరఫరా గొలుసులో తలెత్తుతున్న మార్పులను ప్రభుత్వం ఎప్పటికప్పుడు నిశితంగా గమనిస్తోందని మంత్రి పేర్కొన్నారు. ప్రధానమంత్రి నరేంద్ర మోదీ నాయకత్వంలో నిత్యావసర వస్తువులు, ఇంధనం నిరంతరాయంగా అందేలా ప్రభుత్వం అన్ని జాగ్రత్తలు తీసుకుంటోందని భరోసా ఇచ్చారు. అంతర్జాతీయ ఆర్థిక అనిశ్చితులను తట్టుకునే శక్తి భారత్కు ఉందని, ఎలాంటి సవాళ్లనైనా ఎదుర్కొనేందుకు దేశం సిద్ధంగా ఉందని ఆయన పునరుద్ఘాటించారు.
