ఢిల్లీ ఎగ్జిట్ పోల్ ఫ‌లితాలివే.. ఆప్‌, కాంగ్రెస్‌కు షాక్‌..!

ఢిల్లీలోని మొత్తం 70 అసెంబ్లీ స్థానాలకు సాయంత్రం 6 గంటలకు పోలింగ్ ముగిసింది. సాయంత్రం 5 గంటల వరకు 57.78 శాతం ఓటింగ్ నమోదైంది. ఉదయం 7 గంటల నుంచే ఓటర్లు తమ తమ పోలింగ్‌ కేంద్రాల వద్ద క్యూలో నిలబడి ఓటు వేశారు. కట్టుదిట్టమైన భద్రతా ఏర్పాట్ల మధ్య ఓటింగ్ ప్రక్రియ ముగిసింది. చాలా చోట్ల నకిలీ ఓటింగ్ ఆరోపణలు కూడా వచ్చాయి. అయితే ఈ ఆరోపణలన్నింటినీ పోలీసులు తోసిపుచ్చారు. ఈ క్ర‌మంలోనే స‌ర్వే సంస్థ‌లు ఎగ్జిట్ పోల్స్ వెల్ల‌డించాయి. వాటి వివ‌రాలు ఇలా ఉన్నాయి.

బీజేపీకి 39 నుంచి 44 సీట్లు వస్తాయని చాణక్య అంచనా వేసింది. అదే సమయంలో కాంగ్రెస్‌కు 2 నుంచి 3 సీట్లు వస్తాయని అంచనా వేసింది. ఆమ్ ఆద్మీ పార్టీకి 25-28 సీట్లు వ‌స్తాయ‌ని పేర్కొంది.

మాతృక స‌ర్వే సంస్థ‌ ఆమ్ ఆద్మీ పార్టీకి 32-27 సీట్లు ఇచ్చింది. బీజేపీకి 35-40 సీట్లు, కాంగ్రెస్‌కు 0-1 సీట్లు వ‌స్తాయ‌ని పేర్కొంది.

జేవీసీ ఆమ్ ఆద్మీ పార్టీకి 22-31 సీట్లు, బీజేపీకి 39-45 సీట్లు, కాంగ్రెస్‌కు 0-2 సీట్లు వ‌స్తాయ‌ని వెల్ల‌డించింది.

పీ మార్క్ ఆమ్ ఆద్మీ పార్టీకి 21-31 సీట్లు, బీజేపీకి 39-49 సీట్లు, కాంగ్రెస్‌కు 0-1 సీట్లు వ‌స్తాయ‌ని వెల్ల‌డించింది.

పీపుల్స్ పల్స్ బీజేపీకి 51-60 సీట్లు, ఆప్‌కి 10-19 సీట్లు, కాంగ్రెస్‌కు 0 సీట్లు వ‌స్తాయ‌ని వెల్ల‌డించింది.

Viprecide విభిన్న ఫలితాలను చూపింది. ఆమ్ ఆద్మీ పార్టీకి 46-52 సీట్లు, బీజేపీకి 18-23 సీట్లు, కాంగ్రెస్‌కు 0-1 సీట్లు వ‌స్తాయ‌ని వెల్ల‌డించింది.

మైండ్ బ్రింక్ ఆమ్ ఆద్మీ పార్టీకి 44-49 సీట్లు, బీజేపీకి 21-25 సీట్లు, కాంగ్రెస్‌కు 0-2 సీట్లు వ‌స్తాయ‌ని వెల్ల‌డించింది.

పీపుల్స్ ఇన్‌సైట్ బీజేపీకి 40-44 సీట్లు, ఆమ్ ఆద్మీ పార్టీకి 25-29 సీట్లు, కాంగ్రెస్‌కు 0-1 సీట్లు వస్తాయని అంచనా వేసింది.